梁俊言
 | 呢篇文要由頭寫過。 請用討論頁商量細節。 |
| 梁俊言 Leung Chun-yin | |
|---|---|
| 出世 | 2008年7月8號 香港 |
| 出名原因 | 因自稱「社會破壞者」，喺網絡上進行多種激進行為，大多數作出一些發癲行為如街上無差別挑釁途人。 |
梁俊言（英文：Leung Chun-yin，2008年7月8號—），綽號「光頭Bob」，係香港嘅網絡紅人，自稱「社會破壞者」。由2023年開始，因為喺網絡上經常搞激進行為而引起咗唔少關注。[1][2]
事跡
[編輯]中學
[編輯]香港道教聯合會圓玄一中，2024年退學。[未記出處或冇根據]
指罵張婉婷
[編輯]2023年2月5號，電影《給十九歲的我》嘅導演張婉婷喺放映會完咗之後接受記者訪問，期間梁俊言突然上前，用粗口鬧佢，話佢係「借女學生上位、食人血饅頭」。張婉婷當場俾嚇到面青口唇白，最後由工作人員護送離開。[3][4]
闖入阿布泰分店叫囂
[編輯]阿布泰創辦人林景楠因為喺初選案中做咗控方污點證人，2023年2月6號，網紅「勇狗」曾維誠聯同梁俊言喺內嘅5人闖入阿布泰旺角分店叫囂。梁俊言喺店內大嗌，要求林景楠出嚟見人，嚇到店員報警。事後，梁俊言同其他4人一齊俾警方拘捕，並被控以「遊蕩導致他人擔心」罪。當中5人，包括梁俊言喺內，都唔認罪，最後全部5人判守行為。[5]當中包括梁俊言在內5人都唔認罪，案件仍待審訊中。[6]
糟蹋炎明熹人形立牌
[編輯]2023年9月11號，梁俊言去咗葵芳新都會廣場大家樂門口，當住炎明熹嘅紙牌破口大罵，仲話要「侵犯、猥褻」炎明熹。之後佢竟然對住炎明熹嘅紙牌強吻，仲將頭貼近紙牌嘅下身位置。梁俊言之後仲隨口鬧途人，呢件事吸引咗唔少傳媒報道。[7][8][9][10][11]
破壞黃家駒墳墓
[編輯]2024年5月19號，梁俊言聯同葉子滔一齊去咗將軍澳華人永遠墳場，用可樂淋黃家駒嘅墳墓，仲用鐵鎚揼爛咗黃家駒墳墓上嘅瓷相。兩人當場俾警方拉咗，之後俾控以刑事毀壞罪。去到2024年7月16號，梁俊言被判入更生中心，而葉子滔被判入勞教中心。[11][12][13]光頭Bob晌此事之前去過該處辱罵，不過冇整爛佢，晌此事之後又去過該處道歉；兩次都有錄影過程並公開於互聯網之上。
「死訊」
[編輯]梁俊言嘅threads帳號喺2026年7月23號公告佢尋日逝世，終年18歲，消息真假未明。主流傳媒相關報道冇證實或證偽，有網民認為係佢自己開玩笑。[11]2026年8月10號，佢疑似烽煙勇狗嘅YouTube公開直播節目，顯示似乎在生。[14]
相關人物
[編輯]參考資料
[編輯]- ↑ 星島日報:14歲仔闖粉嶺自拍搗亂山墳奪遺照爆粗喪辱先人之後舉動更「人神共憤」｜Juicy叮.2023年7月20號
- ↑ 〈涉闖旺角阿布泰雜貨店叫囂滋擾 5男子拒認罪押12.1審前覆核〉。《on.cc東網》 (香港中文)。2023-10-18。喺2026-09-07搵到。
- ↑ 香港01:給十九歲的我｜張婉婷謝票被光頭男粗口指罵 由工作人員護送離開，2023年2月6號
- ↑ 星島頭條:狙擊張婉婷「光頭男」大起底 14歲港青曾自拍「波鞋自凟」 粗口辱罵警員｜Juicy叮 ，2023年2月7號
- ↑ 香港01:兩度闖旺角阿布泰爆粗喊「林景楠」 5人涉行為不檢被捕包括2學生，2023年2月7號
- ↑ 香港01:阿布泰被滋擾案 5男涉叫囂被控遊蕩 案押後以商討其他處理方式，2023年9月7號
- ↑ 娛樂星聞:女歌手遭男網紅公然非禮「強舔下面」變態行徑曝光：現在就來猥褻你！， 2023年9月13號
- ↑ 東方新地:18歲炎明熹人形紙牌被「非禮」遭男網紅由頭吻到落腳︰依家就猥褻你，2023年9月13號
- ↑ Line Today:炎明熹人形紙牌被「非禮」 YouTuber光頭Bob︰淫褻你強吻你 ，2023年9月12號
- ↑ 三立新聞網:女歌手遭男網紅公然非禮「強舔下面」變態行徑曝光：現在就來猥褻你！ ，2023年9月13號
- 1 2 3 〈KOL光頭Bob驚傳死訊惹網民質疑？曾破壞黃家駒墳墓、強吻炎明熹紙牌 去年涉發刀片信威嚇被捕〉。《星島頭條》 (香港中文)。2026-07-23。喺2026-07-26搵到。
- ↑ 朱棨新 (2024-07-16)。〈黃家駒墓被毀案 官斥行為可恥 判兩少年分別入更生及勞教中心〉。《香港01》 (香港中文)。喺2026-08-17搵到。
- ↑ 〈博掌聲塗污破壞黃家駒墳墓 兩被告分別判入更生中心及勞教中心〉。《on.cc東網》 (香港中文)。2024-07-16。喺2026-08-17搵到。
- ↑ 《勇狗Call in 白卡聯盟光頭Bob 大爆料》 (英文)，喺2026-09-07搵到