梁倬菲

梁倬菲（英文：Ana Leung，1993年—），原名梁家欣，係香港女藝人，主要做模特兒同節目主持，2016年第51屆工展小姐季軍同最具才藝奬。佢係個混血兒，阿媽係哥倫比亞人。

簡歷[編輯]

梁倬菲讀完書就開始做模特兒，參加過2014年由雜誌《ViVi》主辦嘅讀者模特兒比賽，贏到「我最喜愛模特兒大獎」，2016年用原名「梁家欣」代表昌興集團參選工展小姐選舉，贏到季軍同最具才藝奬。

梁倬菲之後加入咗ViuTV，主要工作係做《快樂童盟》主持。佢2019年底亦有份做《啪啪Partner》嘅主持，大講性話題而惹觀眾留意。