梁粉

  提示：呢篇文講嘅唔係涼粉。

梁粉（縮略自：梁振英嘅粉絲）係一個香港政治術語，泛指堅定支持梁振英嘅支持者，佢哋嘅表現亦明顯帶有強烈而極端嘅個人崇拜情緒，生活政治化。

被外界視為梁粉嘅公眾人物

• 張震遠：前行政會議成員，因為串謀詐騙同欺詐喺2020年被判入獄。
• 羅范椒芬：曾經喺第4屆香港行政長官選舉為梁振英助選，但曾被多次指控干預學術自主，亦被指喺反修例運動期間散播謠言。
• 屈穎妍：資深傳媒人，多次公開寫文為梁振英保駕護航，但曾經被學者質疑其身不正，發表假新聞同仇恨言論，令香港嘅政治兩極化加劇。
• 陳玉娥：曾經喺一場立法會電視論壇，話「CY就係太完美」力撐梁振英，又話「就算全世界放棄梁振英，我都唔會放棄佢」，俾香港01稱為「超級『梁粉』」，多次參選立法會都輸咗。喺政府未經港人同意收緊選舉制度門檻後，佢喺2021年香港立法會選舉連閘都入唔到。

曾經被視為梁粉但後來變成梁振英批評者嘅人

• 劉夢熊：曾經被視為梁振英喺第4屆香港行政長官選舉獲勝嘅功臣，但其後指控梁振英違反承諾而反面。