陳玉娥 (香港)
陳玉娥（英文：Estella "Jenny" Chan Yuk-ngor，1960年—[1]），激進建制派人士，祖籍廣東省潮州，2016同埋2018年兩度參選立法會選舉新界東選區都輸咗。
政治取態
[編輯]陳玉娥曾經擔任愛中港青年文化社團聯會創會副主席[2]。佢喺2016年嗰陣支持香港特別行政區行政長官梁振英連任，曾經喺一場立法會電視論壇，話「CY就係太完美」力撐梁振英，俾香港01稱為「超級『梁粉』」[3]。
選舉參與
[編輯]2016年立法會選舉
[編輯]想知多啲：2016年香港立法會選舉
2016年，陳玉娥出選立法會選舉新界東地方選區，並無申報任何政治聯繫。[1]佢最後攞到486票（0.08%），喺22張名單入面排第21名。
2018年3月立法會補選
[編輯]想知多啲：2018年3月香港立法會補選
2018年，佢出選2018年香港立法會補選新界東地方選區，報稱獨立，攞到1504票（得票率約0.37%），喺同區6名候選人當中得票最低。
2021年立法會選舉
[編輯]由2021年香港立法會選舉開始，由於北京當局同埋特區政府未經港人同意，落實所謂嘅愛國者治港同完善選舉制度，單方面改咗提名制度，地區直選候選人除咗同過往一樣要有選民提名之外，重要喺五個選委會界別各得到至少兩人提名，令參選難度增加。有意出選新界北選區嘅陳玉娥哭訴話，界別入面好多人佢都唔識，亦唔知點聯絡佢哋，形容選委提名係大石頭[4][5]。佢最終都入唔到閘[6]。
碎料
[編輯]- 2016年立法會選舉完結之後，陳玉娥去點票中心睇點票，之後喺台上邀請對手、公民黨楊岳橋合照。正當陳玉娥打算離開嗰陣，兩人一個向左走，一個向右走，擦身而過嘅一刻被楊岳橋競選團隊影到。由於角度問題，相入面兩個人睇落去好似面貼面，狀甚親密。相片被楊岳橋嘅助理分享，隨即引起網上討論[7][8]。呢單趣聞去到之後都繼續被各方提及，例如喺2018年3月補選，陳玉娥一邊攻擊民主派支持嘅范國威，但另一方面面對記者重提趣事嘅時候，佢就讚公民黨黨魁楊岳橋表裏如一，又講笑話希望佢幫自己拉票[9]。
- 喺2020年11月，周星馳同于文鳳之間就投資佣金嘅訴訟被廣泛報道，而喺聆訊小休期間，包括陳玉娥在內嘅多名周星馳影迷，在場同周星馳攀談同埋一睹風采，陳玉娥公開問周星馳記唔記得佢，周星馳就講笑話化咗灰都認得佢[10]。
參考
[編輯]- ↑ 1.0 1.1 〈新界东地方选区候选人简介〉 (PDF)。原著 (PDF)喺2019-12-02歸檔。喺2016-09-04搵到。
- ↑ 〈陳玉娥 - 香港輕新聞 Lite News Hong Kong〉。《香港輕新聞》。原著喺2019-12-02歸檔。喺2016-09-04搵到。
- ↑ 香港01。〈我撐陳玉娥| 2016立法會選舉專頁〉。《香港01》。喺2016-09-04搵到。
- ↑ 〈娥姐告急 哭求提名〉。Facebook (英文)。喺2021-11-10搵到。
- ↑ 《20211110 立法會選舉參選人陳玉娥「選情告急」記者會 | TMHK News Live 新聞直播》 (英國英文)，喺2021-11-10搵到
- ↑ 〈【立會選戰】陳玉娥入閘失敗：發夢都估唔到 | 獨媒報導〉。《獨立媒體》。2021-11-12。喺2021-11-14搵到。
- ↑ 〈有圖非真相 楊岳橋與陳玉娥「親密照」的由來？〉。Topick。2016-09-06。
- ↑ 〈楊岳橋陳玉娥對望照曝光 網民：笑到收唔到聲〉。《香港01》。2016-09-06。
- ↑ 吳倬安 (2018-01-17)。〈【立會補選】再譜「鵝頸橋之戀」？陳玉娥：若楊岳橋幫拉票梗開心〉。《香港01》 (香港中文)。喺2021-11-14搵到。
- ↑ 李慧娜 (2020-11-27)。〈周星馳被于文鳳追討案｜陳玉娥到庭追星 周：化咗灰都認得你〉。《香港01》 (香港中文)。喺2021-11-14搵到。