愛國者治港

出自維基百科,自由嘅百科全書

愛國者治港,係指只係畀擁護中國共產黨中華人民共和國政權嘅人去管治香港

呢個詞彙係由中共已故第二代領導核心鄧小平率先提出,之後中共中央總書記習近平喺2021年1月27號聽取香港行政長官林鄭月娥述職嗰陣再次強調,講到「要確保『一國兩制』實踐行穩致遠,必須始終堅持『愛國者治港』。」[1]

同年2月22號,國務院港澳辦主任夏寶龍為「愛國者治港」定落三大標準:

  1. 必然真心維護國家主權、安全、發展利益,唔從事危害國家主權安全嘅活動
  2. 尊重同維護國家嘅根本制度同特區憲制秩序,唔能損害中國共產黨領導嘅社會主義制度;
  3. 全力維護香港嘅繁榮穩定

同年3月11號,習近平當局用落實「愛國者治港」做理由,由全國人民代表大會通過《全國人民代表大會關於完善香港特別行政區選舉制度的決定》,大幅削減香港選舉嘅西方民主程度,確保中共當局眼中嘅「愛國者」(呢度係指親中陣營)可以佔據議會嘅絕大多數議席。香港政府之後為人大嘅決定搞本地立法,同年5月27號由香港立法會通過《完善選舉制度條例草案》。

參考[編輯]

  1. "完善'一国两制'制度体系,落实'爱国者治港'根本原则"专题研讨会举行 夏宝龙出席并讲话. (中國中文). 2021-02-22. 原著喺2021-03-08歸檔. 喺2021-04-15搵到. 夏寶龍表示,習近平總書記指出,要確保“一國兩制”實踐行穩致遠,必須始終堅持“愛國者治港”。