植桂書室

植桂書室係香港一座歷史建築，喺新界元朗八鄉，屬香港最舊式嘅中國傳統書室，用作祭祀祖先同埋教育村中細路嘅用途。植桂書室早喺1899年英國租借新界之前就已經喺度，估計係清朝中期起嘅。書室係由八鄉上村嘅黎氏族人黎金泰所起，用作教育鄉村啲細路。1930年嗰時，呢個建築就改為祭祖之用，同埋用嚟搞村民會議、春秋二祭同婚嫁儀式。香港重光後，呢座建築就改辦「永慶學校」提供現代小學嘅教育，後來又改為幼稚園，最後喺1960年停辦，之後就一直空置。

2007年5月4號，植桂書室被評為香港三級歷史建築。由於日久失修，古物古蹟辦事處會先行維修，完成後先開放畀市民參觀。2007年6月29號，植桂書室更評定為香港法定古蹟。