上村 (香港)

出自維基百科,自由嘅百科全書
Jump to navigation Jump to search
上村村公所

上村英文Sheung Tsuen)係香港元朗區八鄉嘅一條原居民村落,一帶全部係低密度嘅住宅同車場(以劏車場常見),環境相對僻静。

[編輯]

黎族二世祖黎忠卿喺宋朝江西搬去廣東新會,佢嘅子孫日漸繁衍到東莞錦田一帶,但本土鄧氏喺當地勢力強大,迫使到黎氏第十三世祖黎會雲最後帶領族人搬去上村祠堂村,跟住由第廿四世祖黎金泰去建立黎屋村,並起咗黎氏大屋同植桂書室[1]

石頭圍之戰[編輯]

1899年4月喺香港新界發生一場英國軍隊新界原居民間叫做「新界六日戰」嘅戰爭,起因英國接收新界地區之後,以屏山鄧氏為首嘅新界原居民各大氏族,反抗英國嘅統治,其中三場主要嘅戰役分別喺大埔梅樹坑、林村林村凹同上村石頭圍展開。

4月17號英軍進入上村附近駐守,同時另一支英軍,北上途經泰坑粉嶺,逐條村投降後再轉入八鄉支援。4月18號,喺林村凹潰敗嘅村民同英軍喺石頭圍東北,隔岸對戰,英軍沿住水道佈防,直到村民發動進攻到達約二百碼範圍時英軍先至開槍,呢場戰役中村民傷亡慘重,好快就敗走,英軍再追趕敗軍直至到入夜。4月19號,村民投降,六日戰爭結束[2]

附近景點[編輯]

交通[編輯]

到達嘅公路有林錦公路錦田公路荃錦公路錦上路

參考[編輯]

  1. "跑遊元朗八鄉上村 (1) – 黎屋村 黎氏大屋 植桂書室". blog.terewong.com (用中文寫). 喺2015-02-02搵到. 
  2. "新界人的抗英六日戰爭". sparkpost.wordpress.com (用中文寫). 喺2015-02-02搵到.