楊容蓮
楊容蓮（英文：Pauline Yeung Yung-Lin），人稱「蓮姐」，香港電影業茶水工同服裝管理，特約演員，2018年第37屆香港電影金像獎專業精神獎得主。
簡歷
[編輯]楊容蓮喺香港八十年代加入香港電影業工作，初期喺片場嘅服裝部工作，之後轉到茶水部，亦曾經參與超過三十幾部港產片嘅特約演員。楊容蓮喺接受訪問嘅時候話自己教育水平唔高，佢嘅工作主要係片場負責一班幕前幕後嘅藝人同埋工作人員嘅飲食同茶水。喺九十年代香港電影業全盛期嘅時候，佢喺一個片場就要負責十幾個人嘅茶水。由於工作瑣碎辛苦，唔單止要跟住劇組風吹日曬雨淋，但功勞經常俾人忽略，所以呢份工流動率極高，長期堅持落去確實係唔容易。楊容蓮一直默默為香港電影幕後服務，敬業樂業，工作表現專業，深受電影業內人士嘅尊重。因此榮獲第37屆香港電影金像獎嘅專業精神獎，以表揚佢對香港電影工業作出嘅專業貢獻。