楊超發

出自維基百科,自由嘅百科全書

楊超發英文Dr. Yeung Chiu Fat, Henry)係香港醫生,香港西醫工會前會長,親中派人士,因為參與香港政治,佢工會會長身份同埋工會2020年被爆一啲稅務同埋帳目嘅違法爭議,得到一啲香港人嘅關注,但佢喺2021年差32票連任失敗[1]

政治立場[編輯]

楊超發一直被人當係親中派人士,曾經組織反對港獨,仲叫行家去粵港澳大灣區發展[2],但係立場新聞喺2020年11月報道,佢曾經至少兩次參加反送中遊行,畀某啲人話佢騎牆[3]

成立「反港獨西醫前線」[編輯]

楊超發喺2016年曾經成立「反港獨西醫前線」,並以「反港獨、反壟斷、衹對事、不對人、愛中國、護香港」為參選口號[3][4]

反送中運動期間表現[編輯]

蘋果日報 9 月一篇報導入面,披露楊超發喺西醫工會嘅內部錄音,佢形容「反送中」事件係「暴動,嗰時四圍都有炸彈,又堵路呀嗰啲」。

不過,立場新聞喺2020年11月報道,佢曾經至少兩次參加反送中遊行,同其他遊行人士一樣著黑衫、掛上白絲帶。立場新聞又獲得多張佢嘅自拍照片。立場新聞之後向楊超發查詢,佢就話有啲遊行有參加,有啲無,又話唔想講政治嘅嘢。有熟悉楊超發嘅西醫工會會員就批評,楊超發嘅做法係「食兩家茶禮」、「騎牆派」,對佢嘅舉動感到莫名其妙[3]

爭議[編輯]

西醫工會稅務同埋帳目嘅違法爭議[編輯]

西醫工會自創立以來,一直都係楊超發做會長。但係喺2020年,西醫工會就曾經被多次揭發涉及稅務同埋帳目嘅爭議。

2020年9月,有報道提及,曾經有工會嘅幹事對賬目提出質疑,要求涉事人員提交資料解釋,反而畀楊超發攻擊,話佢破壞工會聲譽,楊超發仲開幹事會提出動議,聲明嗰個幹事一切言行唔再代表工會,而嗰個動議仲要喺未獲得大多數支持票下通過[5][4]

2020年11月,有報道話工會自成立以來一直無報稅,懷疑違反《稅務條例》,事件畀西醫工會副會長梁漢輝揭發,並向稅務局投訴,楊超發回應事件嗰陣就不置可否,而本身做稅務工作嘅會計界前立法會議員梁繼昌就話,雖然好多項目可以豁免交稅,但係工會未有報稅,相信就係違反咗《稅務條例》,稅務局要認真調查及跟進[6]

涉嫌挪用公帑做私人消遣同埋資助老婆[編輯]

2020年11月,西醫工會副會長梁漢輝指控楊超發喺2019年1月以「Tsim Sha Tsui Study Group meeting」為名舉辦活動,並且得到一間奶製品公司贊助,但係當晚席上大多都唔係醫生或者西醫工會會員,大部分時間都係唱卡啦OK、抽獎、晚飯。楊超發被問到嘅時候,就拒絕評論事件。另外,梁漢輝又指控,喺每年周年晚宴,西醫工會都會畀3000 至 4000 元一個表演團作為演出費用,但實際表演者包括楊超發嘅老婆,但係楊超發無做到利益申報。[6]

參考[編輯]

  1. 楊超發18年來首敗選 西醫工會換莊
  2. 西醫工會會長楊超發醫生暢談 CEPA帶動大灣區的醫療發展
  3. 3.0 3.1 3.2 藍楊超發曾組港獨西醫前線 形容反送中 照片顯示曾現身反送中遊行 | 立場報道 | 立場新聞. 場新聞 Stand News (英文). 原著喺2020-11-19歸檔. 喺2020-11-19搵到.
  4. 4.0 4.1 果踢爆︱深藍楊超發把持西醫工會18年禁查賬 曾組港獨西醫前線. Apple Daily 蘋果日報 (香港中文). 原著喺2021-06-21歸檔. 喺2020-11-19搵到.
  5. 果踢爆︱深藍楊超發把持西醫工會18年禁查賬 曾組港獨西醫前線. Apple Daily 蘋果日報 (香港中文). 原著喺2021-06-21歸檔. 喺2020-11-19搵到.
  6. 6.0 6.1 超發創立西醫工會 被指成立 18 年從無報稅 楊:核數師話唔使報 梁繼昌:相信已違例 | 調查報道 | 立場新聞. 場新聞 Stand News (英文). 原著喺2020-11-18歸檔. 喺2020-11-19搵到.