樹袋鼠

How to read a taxobox 樹袋鼠
巴氏樹袋鼠, Dendrolagus goodfellowi buergersi
物種分類
界 動物界 門 脊索動物門 綱 哺乳綱 下綱 有袋目 目 雙門齒目 Diprotodontia 科 袋鼠科Macropodidae 亞科 Macropodinae 屬 樹袋鼠屬Dendrolagus Müller, 1840
Type Species
Dendrolagus ursinus Müller, 1840
種
大約12種，睇文字介紹度.

Dendrolagus goodfellowi

樹袋鼠係罕有嘅袋鼠品種。顧名思意，佢哋主要住喺樹上面，身型亦都細過其他成日見嘅袋鼠品種，雖然係咁，其實佢同其他袋鼠無乜分別。最先知道樹袋鼠嘅外地人，係位曾經去過新畿內亞，印尼一帶捉動物標本嘅德國人穆勒（Saloman Muller）。樹袋鼠嘅屬名 Dendrolagus，都係佢改嘅。個名係希臘文，係野兔咁解。

生物學特徵

同其他袋鼠一樣，樹袋鼠屬於有袋類，袋鼠仔會匿埋喺佢阿媽肚嘅袋度成長一段時間。母親通常一胎產一仔。同袋鼠一樣，係食齋嘅，主要以樹葉，果實為食物。有關樹袋鼠嘅生態資料唔多。雖然可以喺地面跳到，但主要住喺樹上，而且身手敏捷，可以由一棵樹跳到另一棵樹。

保育現狀

自從歐洲人進入新畿內亞之後，呢 50 年以來，畀獵人揸住啲越嚟越先進嘅槍追殺，數目大減。而家有好幾種已到瀕臨絕種嘅邊緣。

香港動植物公園喺20世紀 70年代曾經飼養過古氏樹袋鼠，而家已冇飼養喇。

墨爾本動物園（Melbourne Zoo）所飼養嘅樹袋鼠

分類

• 葛氏樹袋鼠 Grizzled Tree-kangaroo, Dendrolagus inustus，產於新畿內亞西部同北部
• 白氏樹袋鼠 Lumholtz's Tree-kangaroo, Dendrolagus lumholtzi，產於昆士蘭
• 斑氏樹袋鼠 Bennett's Tree-kangaroo, Dendrolagus bennettianus，產於昆士蘭
• 黑樹袋鼠 Ursine Tree-kangaroo, Dendrolagus ursinus，產於新畿內亞西部
• 赤樹袋鼠 Matschie's Tree-kangaroo, Dendrolagus matschiei，產於新畿內亞東部
• 南方樹袋鼠（斑氏樹袋鼠嘅亞種）Doria's Tree-kangaroo, Dendrolagus dorianus，產於新畿內亞西部，中部至東南部
• 古氏樹袋鼠（有人認為佢係赤樹袋鼠嘅亞種）Goodfellow's Tree-kangaroo, Dendrolagus goodfellowi，產於新畿內亞西部
  • 巴氏樹袋鼠（古氏樹袋鼠嘅亞種）Buergers' Tree-kangaroo, Dendrolagus goodfellowi buergersi
• Golden-mantled Tree-kangaroo, Dendrolagus pulcherrimus, Foja mountains，產於新畿內亞西部
• 低地樹袋鼠 Lowlands Tree-kangaroo, Dendrolagus spadix, lowlands New Guinea
• Seri's Tree-kangaroo, Dendrolagus stellarum
• 白腹樹袋鼠 Dingiso, Dendrolagus mbaiso，1995年先至被人發現，產於新畿內亞西部
• 史氏樹袋鼠 Tenkile, Dendrolagus scottae，1990年發表，產於新畿內亞北部