歌妓

歌妓，亦作歌伎、歌姬，係一類中國古代嘅女藝人，佢哋喺社會上擔任歌手、舞者同詩人嘅角色，佢哋受過中國傳統表演藝術風格嘅訓練，例如跳舞、音樂、唱歌。歌妓自幼學藝，除咗歌舞，仲接受過彈琴、下圍棋、書法、繪畫、文化課、茶文化等訓練。歌妓呢一個職業正式源於夏朝，後從夏朝宮廷流入到民間。晚清開始歌妓文化衰亡，正式被名為長三嘅高級娼妓取代。歌妓係藝人，有別於高級娼妓，歌妓大多唔賣淫，佢哋表演中國古代嘅古典音樂、舞蹈，傳唱古典詩詞，有嚴格嘅禮儀修養。古代的高級娼妓亦有才藝，但更多表演色情內容。歌妓唔單止為男性表演，仲為女性同兒童表演。歌妓亦有感情生活，但通常只係同一位贊助人交往，只有當一段長期嘅關係結束時，歌妓先會搵新嘅贊助人。