歸妹卦

出自維基百科,自由嘅百科全書
Jump to navigation Jump to search
歸妹卦

歸妹卦,或者就咁叫歸妹,係六十四卦之中嘅第五十四。佢上卦係震卦,代表,即係☳;下卦係兌卦,代表,即係☱。所以,歸妹卦就畫成䷵。為咗方便記住卦象,佢有個名叫雷澤歸妹

卦辭[編輯]

征凶,無攸利。

彖曰:歸妹,天地之大義也。天地不交,而萬物不興,歸妹人之終始也。說以動,所歸妹也。 征凶,位不當也。 無攸利,柔乘剛也。

象曰:澤上有雷,歸妹;君子以永終知敝。

爻辭[編輯]

初九:歸妹以娣,跛能履,征吉。

九二:眇能視,利幽人之貞。

六三:歸妹以須,反歸以娣。

九四:歸妹愆期,遲歸有時。

六五:帝乙歸妹,其君之袂,不如其娣之袂良,月幾望,吉。

上六:女承筐無實,士刲羊無血,無攸利。

[編輯]

䷵係由底睇上去,初二三四五上。九係陽,六係陰。

六三須,馬王堆帛書周易寫為嬬。係陪嫁女,女。上古有貴族興陪嫁,以夫人之妹或者姪女同嫁,即係娣。

初九跛能履,九二眇能視,係當時習用語,亦見於履卦。跛能履,就係跛嘅得人幫,可以行。眇能視,眼唔好嘅得人助,可以睇得見。初九係得商歸妹扶助。九二幽人,講隱士,指姬昌得隠士輔助,如姜尚

六三歸妹,帝乙嫁妹,有陪嫁女。休妻反歸,君夫人同陪嫁女亦返去。

九四,講姬昌遲娶,等啱時機先娶。

六五,嫁妹之時,君夫人個嫁妝,唔及陪嫁女娣嘅嫁妝。幾望,即係既望,姬昌擇咗過咗月圓,到月尾嘅時間,為之吉。

上六,講生唔到仔。故此講,女承筐無實,士刲羊無血。無攸利,就係無利。同六三休妻相應。

[編輯]

爻辭六五為要處,帝乙歸妹。帝乙,商王子羨,商王文丁子托之子,商王帝辛子受之父。顧頡剛考證,歸妹係講商王嫁妹去周國西伯姬昌,然最後返歸。由於商王子托,忌周壯大,誘而監禁,餓死姬歷。自此商周交惡。到商王子羨之時,人方有亂,怕周國會趁亂,嫁女和親,重修舊好。以周而言,卦辭征凶,無攸利。就係周勢力仍不及商,同商打仗會不利,所以和親反而吉。卜卦就係講依件事嘅過程。小雅大明,亦有寫「大邦有子,俔天之妹。文定厥祥,親迎於渭。造舟為梁,不顯其光。」嫁娶時已過月圓,而且係有嬬女同嫁。不過佢哋無生仔,所以最後二女反歸。按大明下幾句,「有命自天、命此文王。于周于京、纘女維莘。長子維行、篤生武王。保右命爾、燮伐大商。」姬昌另娶莘國太娰國之女為妻,生姬發,伐商。

唔只歸妹有提及件事。泰卦都有講,「帝乙歸妹,以祉,元吉。」