殷家莊

殷家莊，係廣東從化嘅一條村，行政屬廣州市從化區城郊街道東風行政村。明代初期，殷氏由東莞搬來呢度開村。2000年12月，成咗廣州市內控歷史文化保護區。

佈局

殷家莊分成西莊同南莊。東邊係流溪河，北邊係風水林。緣住流溪河岸有大榕樹，西邊兩個塘之間嘅路有古柏。殷家莊三面環水，背脊枕住山林。

西莊面闊120米，深80米，建築佔地9600平方。村頭係五沓祠堂光巗公祠，第五沓係兩層樓閣。祠堂右邊係9列統一嘅民居，每列4戶，總共36戶。民居後邊係一排兩層回字屋，駁返住光巗公祠第五沓。

南莊南邊係大水塘，面闊150米，深70米，建築佔地1.05萬平方。村頭係殷氏宗祠。祠堂向東邊街巷方正。村面中間係班墀公祠，兩進三間。有一條巷巷尾，有一間面闊五間兩廊嘅花園式建築，大門口對住巷仔。