殷樺花園

殷樺花園（英文：Blessings Garden ）係香港西半山一個住宅項目，由新世界發展發展。一期喺羅便臣道95號，二期喺干德道56號。

殷樺花園附近有雍景台。有好多名人住喺度，例如藝員薛家燕。呢個屋苑有基本設施同埋充足休閒空間，室外游泳池、多用途運動場同平台花園等。大部份單位面積約1105平方呎，有3間睡房，2間浴室。由富城物業管理有限公司管理，G4S負責24小時保安。

屋苑重大事件

2021年3月13號，政府刊憲將中西區指明「受限區域」，包括殷樺花園第一期同埋干德道56號殷樺花園第二期住所人士，要接受武漢肺炎強制檢測。強檢喺3月14號朝早約九點完成封區行動，搵唔到確診個案。