殺手 (電視劇)

《殺手》（英文：Death By Zero）係香港無綫電視製作嘅時裝電視劇，由黎耀祥、陳豪、李佳芯、龔嘉欣、江美儀同高海寧領銜主演，並由麥明詩、鄭子誠、謝東閔、李成昌、馬海倫同江嘉敏聯合主演，監製陳維冠。

人物

殺手界（Overbeck）

演員	角色	備注
羅　蘭	蘇菲亞	Sofia
鄭子誠	陳查理	Charlie、陳生
馬海倫	方王玉蓮	方太
歐瑞偉	鐵仁	阿仁
何遠東	趙諾琛	Dino、趙生
秦　煌	波　叔

軼事

• 呢齣劇係2019無綫節目巡禮19部劇集、2019年TVB影視展星勢10部推介劇集，原定喺2019年中播出，但因劇中女主角李佳芯網上言論被指支持反送中逆權運動惹起爭議，而畀無綫雪藏，連累本劇畀無綫電視抽起，最後延至2020年6月29號先至首播。
• 劇中喬星飾演咖啡室老闆，而現實中飾演喬星嘅演員陳豪亦係咖啡達人，所以劇組預備咗一部真嘅咖啡機畀佢一展所長，故此劇中嘅咖啡唔係道具。
• 呢齣劇大部分主要演員曾參演《誇世代》，包括陳豪、李佳芯、江美儀、龔嘉欣、麥明詩、江嘉敏、鄭子誠、樊亦敏、馬海倫同埋吳業坤。
• 呢齣劇陣容鼎盛，有羅蘭（香港電影金像獎最佳女主角），黎耀祥（萬千星輝頒獎典禮最佳男主角）、陳豪（萬千星輝頒獎典禮最佳男主角）、李佳芯（萬千星輝頒獎典禮最佳女主角）同埋龔嘉欣（萬千星輝頒獎典禮最佳女配角）、江美儀（萬千星輝頒獎典禮最佳女配角）參演。
• 為免引起觀眾不安，呢齣劇角色被殺及血腥畫面都以X光形式顯示，或以血液遮住。
• 呢齣劇青年版「喬星」一角原本由余德丞飾演，但之後余德丞因為唔舒服而辭演，因此改由伍富橋飾演。
• 呢齣劇係黎耀祥轉簽部頭合約後第一齣劇。
• 呢齣劇係黎耀祥同埋陳豪繼《秀才遇著兵》、《溏心風暴之家好月圓》、《秋香怒點唐伯虎》及《法外風雲》後第五度合作。
• 呢齣劇係黎耀祥同埋李成昌繼《射鵰英雄傳之南帝北丐》、《樂壇插班生》、《秀才遇著兵》、《謎情家族》、《強劍》、《溏心風暴之家好月圓》、《巾幗梟雄》、《巾幗梟雄之義海豪情》、《載得有情人》、《名門暗戰》、《巾幗梟雄之諜血長天》後再度合作。
• 呢齣劇係黎耀祥、李佳芯、李成昌繼《名門暗戰》後再度合作，亦係黎耀祥、陳豪同埋李成昌繼《秀才遇著兵》後再度合作。
• 呢齣劇係黎耀祥同埋樊亦敏繼《載得有情人》同埋《財神駕到》後第三度合作。
• 呢齣劇係陳豪同埋李佳芯繼《誇世代》後再度飾演情侶；亦係繼《潮流教主》後再度合作。
• 呢齣劇係陳豪同埋龔嘉欣繼《天梯》、《金枝慾孽貳》、《水髮胭脂》、《陪著你走》及《誇世代》後第六度合作。
• 呢齣劇係陳豪同埋高海寧繼《天梯》同埋《法外風雲》後第三度合作。
• 呢齣劇係李佳芯同埋高海寧繼《BB來了》後再度合作。
• 呢齣劇係龔嘉欣、江嘉敏同埋吳業坤繼《誇世代》及《大醬園》後第三度合作。
• 呢齣劇係龔嘉欣、樊亦敏同埋吳業坤繼《愛·回家 (第二輯)》及《大醬園》後第三度合作。
• 呢齣劇係江美儀同埋江嘉敏繼《親親我好媽》、《誇世代》及《再親我好媽》後第四度合作。
• 呢齣劇係高海寧同埋麥明詩繼《賭城群英會》後再度合作。
• 呢齣劇係高海寧同埋鄭子誠繼《愛情食物鏈》後再度合作。
• 呢齣劇係江嘉敏同埋樊亦敏繼《誇世代》、《果欄中的江湖大嫂》同埋《大醬園》後第四度合作。
• 呢齣劇係梁裕恆、林師傑、蓋世寶喺無綫電視嘅告別作，亦係麥明詩嘅無綫電視經理人合約約滿前最後一齣作品。
• 呢齣劇係戴耀明繼《果欄中的江湖大嫂》後，再度飾演花名叫Kill Bill（Kill標）嘅角色。
• 呢齣劇係易宇航、陳國峰、陳嘉輝、楊證樺、余子明、歐瑞偉、何遠東、馬海倫、賴慰玲、李君妍、江嘉敏、羅蘭、樊亦敏同埋譚嘉儀繼《降魔的2.0》後再度合作。
• 呢齣劇係鄭健樂、姚亦澧、孫慧雪同埋江美儀繼《衝上雲霄II》後再度合作。
• 呢齣劇係謝東閔第一次喺無綫電視劇集中飾演反派角色。
• 馬海倫喺呢齣劇同埋相若日期播放嘅劇集《迷網》，飾演嘅角色巧合地一樣持有物業收租。

出面網頁

• 殺手 - tvb.com
• 《殺手》喺豆瓣嘅資料（大陸簡體）