比例代表制（英文：proportional representation，縮寫：PR）係議會選舉中分配議席嘅兩個主要方法之一，另一個方法係「多數制」。
比例代表制按照每一候選組別所得選票佔全部選票的百分比，分配議席，反映社會多元不同意見。簡單嚟講，如果有30%嘅選民投票俾某一政黨，咁該政黨就能夠喺議會上佔據30%嘅議席。呢個方法最早出現喺瑞士，之後係歐洲大陸發揚光大。而比例代表制嘅投票機制又可以分為兩種：名單比例代表制同可轉移單票制。而席次分配又可以分為兩類：最大餘額法同最高均數法（例如漢狄法）。
