比利·海靈頓

出自維基百科,自由嘅百科全書
跳去導覽 跳去搵嘢
比利·海靈頓
Billy Herrington.jpg
姓名原文William Glen Harold Herrington
出生日1969年7月14號 喺Wikidata改呢個
出生地North Babylon 喺Wikidata改呢個
死亡日2018年3月2號 喺Wikidata改呢個 (48歲)
死亡地Palm Springs 喺Wikidata改呢個
死因撞車 喺Wikidata改呢個
國籍美國 喺Wikidata改呢個
母語英文 喺Wikidata改呢個
識嘅語言英文 喺Wikidata改呢個
職業鹹濕演員演員模特兒 喺Wikidata改呢個

比利·海靈頓英文Billy Herrington1969年7月14號2018年3月2號)係前美國㚻片演員,因為佢拍過嘅㚻片Niconico網友攞嚟做惡搞視頻嘅題材而令到佢喺日本、中國大陸、香港同埋台灣嘅動漫愛好者中出嗮名。

簡介[編輯]

海靈頓1969年喺美國紐約長島出世,佢老竇係空手道教練,海靈頓細個就跟佢老竇學空手道,所以成年後身材同肌肉鍛煉得較為強壯。

海靈頓21歲嗰陣,佢老竇過咗身。比利·海靈頓索性放棄空手道;24歲嗰陣,海靈頓移居紐約城,轉向健美界發展。比利·海靈頓喺健美界發展較為成功。

海靈頓真正開始佢嘅㚻片演員生涯源於佢嘅朋友所做嘅一件事,呢位朋友將佢嘅一張裸照送到咗《花花女郎》雜誌社,呢張相令到佢得到雜誌社所評比嘅「當月真正男人」獎項同500美金。佢喺雜誌上嘅相吸引到攝影師占·法蘭茲,兩年後法拉奇為佢拍攝咗COLT日曆嘅圖片。佢無幾耐之後就為All Worlds Video拍攝㚻片,佢成為20世紀90年代最出名嘅㚻片演員之一,佢重作為嘉賓登上過美國嘅脫口騷節目嘅舞台。

2002年秋,海靈頓嘅第一個孲𤘅出世,嗰陣佢有時仍然喺美國嘅幾間同志俱樂部中表演「猛男騷」。2008年,海靈頓宣佈從㚻片界中引退,並喺佢親戚嘅一間建築公司返工。

網絡惡搞[編輯]

2007年9月30號下晝,有個日本網友喺Niconico網站上傳咗一段經過刪減同處理嘅比利·海靈頓嘅㚻片片段,因為影片中海靈頓同另一位演員進行咗一段好盞鬼嘅摔跤比賽,並且喺摔跤過程中嘅動作同叫聲好怪,立即被好多Niconico網友惡搞,一時間比利·海靈頓嘅㚻片成為Niconico上好常用嘅惡搞題材。日本網友將海靈頓叫做「兄貴」(日文有大佬嘅意思)同「森の妖精」(森之妖精,因為有一片段中海靈頓喺森林入面行出嚟)。火爆嘅人氣甚至令日本玩具廠Max Factory推出咗海靈頓嘅Figma可動式人偶模型。

日本網民嘅追捧令到海靈頓好驚訝,2008年12月2號Niconico大會嗰日,Niconico組委會收到署名為「比利·海靈頓」嘅人送嚟嘅一紥花,組委會重以為呢個只係一個惡作劇,但後來證實呢紥花係海靈頓本人所定送。2009年2月2號,Niconico宣佈海靈頓會喺2009年2月14號嚟日本,令日本海靈頓嘅動漫擁躉好興奮。2009年2月14號,海靈頓喺秋葉原同佢嘅擁躉見面。

2012年12月30號同2013年1月1號,比利·海靈頓喺廣州同上海舉行見面會,同佢嘅擁躉互動。

2014年7月26號,比利·海靈頓出席山東東營嘅「蘆月祭2」動漫展,喺黃河口會展中心同擁躉見面。

[編輯]

2018年3月2號,比利·海靈頓死於車禍[1][2]

參考[編輯]