比利時嘅語言

而家比利時有三個官方語言，分別係荷蘭文、法文同埋德文。[1]

官方語言

荷蘭文、法文同埋德文係比利時嘅官方語言。喺2021年，59%嘅比利時人嘅母語係荷蘭文、40%係法文、同埋1%係德文。[2]所有比利時嘅法律都係用法文同荷蘭文表決嘅，而司法程序就係用荷蘭文、法語或者德文嚟到進行。[3]

黃色係代表荷蘭文區紫色係代表法文區綠色係代表德文區

荷蘭文（弗萊明文）

荷蘭文係比利時嘅其中一個官方語言。雖然標準荷蘭文先至係比利時嘅官方語言，但係講荷蘭文嘅比利時人主要都係講弗萊明文。弗萊明文係荷蘭文嘅其中一種方言。[4]荷蘭文係59%比利時人嘅母語。雖然喺歷史上荷蘭文係比利時北部佛蘭德嘅主要語言，但係由於喺過去咁多年，佛蘭德都係由外國統治者嚟到統治，所以荷蘭文直到1898年荷蘭文先至獲得官方地位。[5]喺比利時啱啱獨立個陣，講荷蘭文係窮人嘅象徵。

法文

法文係比利時嘅其中一個官方語言。因為喺比利時講法文係有錢嘅象徵，所以喺比利時啱啱獨立個陣，法文係比利時嘅唯一一個官方語言。法文係40%比利時人嘅母語。[6]而家法文係比利時華隆大區嘅主要語言。[7]

德文

德文係比利時嘅其中一個官方語言。而家德文係1%比利時人嘅母語，同埋德文都係比利時奧伊彭－馬爾默迪嘅主要語言。喺比利時講德文嘅人主要被分做兩類。第一類講德文嘅比利時人係指喺比利時啱啱獨立個陣就經已喺比利時度住嘅講德文嘅人，佢哋主要住喺比利時列日省嘅東北部、同埋盧森堡省嘅東部。而第二類講德文嘅比利時人係指奧伊彭－馬爾默迪嘅居民 [8]，喺一戰之前奧伊彭－馬爾默迪係德國嘅一部份，而喺一戰之後根據凡爾賽條約，德國割讓咗呢個地區俾比利時。[9]

參考

[10]