比比 (Pepe)

比比
Pepe

個人資料
全名	Képler Laveran Lima Ferreira
生日	(1983-02-26) 1983年2月26號
出生地	巴西馬塞約
身高	1.88 m（6 ft 2 in）
位置	中堅
球會資料
而家效力	波圖
波衫號碼	3
青年軍
年	球會
1995–2001	Corinthians-AL
效力過嘅球會
年	球會	上陣	（入波）
2001–2002	馬里迪莫B隊	14	（1 ）
2002–2004	馬里迪莫	63	（3 ）
2004–2007	波圖	64	（6 ）
2007–2017	皇家馬德里	229	（13 ）
2017–2019	比錫達斯	33	（5 ）
2019–	波圖	125	（7 ）
代表隊
年	代表隊	上陣	（入波）
2007–	葡萄牙	134	（8 ）

比比（葡文：Pepe，ComM，1983年2月26號—），全名係克普勒·拉韋蘭·利馬·費雷拉（葡文：Képler Laveran Lima Ferreira），佢係出生喺巴西馬塞約嘅葡萄牙職業足球員，司職後衛，係葡萄牙足球代表隊嘅隊長。而家效力緊葡超球會波圖。佢被廣泛認為係佢嗰代之中最好嘅中堅。

職業生涯

出道初年：馬里迪莫

比比佢喺阿拉瓜斯州 馬塞約出世。父親將佢命名為開普勒 拉維蘭（ Kepler Laveran ）以紀念科學家祖漢尼斯 開普勒(Johannes Kepler)同埋夏爾 路易 阿方斯 拉韋朗（Charles Louis Alphonse Laveran)於是，佢就開始喺當地嘅足球會Corinthians-AL踢波。18歲嗰陣佢同隊友Ezequias一齊搬咗去葡萄牙嘅馬德拉同咗馬里迪莫簽約。佢喺馬里迪莫足球會B隊渡過咗第一個賽季嘅大部份時間。 自2002-03賽季晉升主隊後，喺烏克蘭主教練Anatoliy Byshovets嘅帶領下，比比好少錯過一場比賽，他踢過包括中堅在內等嘅幾個位置。

葡超2002-03年季前賽期間，比比被允許喺士砵亭一齊訓練兩個禮拜，之後可以就轉會達成協議。 但係，兩間球會都無法喺財務條件達成一致，談判破裂，比比歸回馬里迪莫，而亦都繼續幫助馬里迪莫接下嚟嘅賽季中獲得第六名，並獲得歐洲足協盃嘅參賽資格，喺30場比賽中貢獻咗1個入球。

生涯早年：波圖

2004年嘅5月，喺聯賽、盃賽及歐聯成為三冠王前冇耐，比比同波圖簽約。

喺波圖第一個賽季，西班牙教練域陀 費南迪斯帶領下，比比大多僅為替補，老將Pedro Emanuel、Jorge Costa同強大實用嘅中堅列卡度 哥斯達手下踢波。 然而，第二年，喺Co Adriaanse帶領下，他度過咗一個突破性嘅賽季，成為葡萄牙國內所有聯賽中最好嘅後衛之一：而呢位荷蘭人經常選擇3-4-3嘅踢法。波圖同時贏咗聯賽同葡萄牙盃。

生涯成名：皇家馬德里

2007-11賽季

2007年7月10號，皇家馬德里俾咗波圖€3000萬嘅轉會費，為比比簽咗一份為期五年嘅合約。2008年3月15號，比比入咗一啦烏龍球，令到球隊輸咗0:1俾拉科魯尼亞足球會8個月之後，佢同隊友Javi Balboa訓練期間發生內訌。即使係咁，佢都仍然繼續可以踢下一場波。但隊友就冇啦。隨後，佢跟隨着白軍一齊衛冕西甲冠軍。佢喺魯營球場，對巴塞隆拿1:0嘅嗰場中，獲得咗比賽中表現最佳球員嘅殊榮。

2008-09賽季，比比喺呢一個賽季不斷受到傷患嘅困擾。 2009年4月21號，佢仲捲入咗同基達菲嘅Javier Casquero嘅事件：

比分為2:2，得返幾分鐘嘅時候，佢喺禁區擊倒咗中場，隨後被罰落場。 然後他踢咗Casquero兩次，一次踢咗喺脛骨，一次踢咗喺下體。 當被驅離落場嘅時候，佢仲將Casquero嘅頭㧬入草皮，踩咗佢幾次。 隨後比賽中，他仲伸手打咗另一位球員桑 艾賓塊臉，最終遭受十場禁賽，亦即係間接結束佢成個賽季。

2009-10賽季，比比重返首發陣容。 2009年10月4號，他喺拉蒙 山齊士 比斯桑球場對陣西維爾嘅比賽中貢獻咗佢喺西甲中嘅第一粒入球，喺主場中1:2失分俾古迪嘅自由球之後入球，但最終遺憾落敗，未能追回比分。然而，喺12月12號，喺馬斯泰拿球場對華倫西亞（3:2勝）比賽中，佢喺空中挑戰後落地失誤，並喺上半場最後幾分鐘被拉落場。 後來嘅測試中顯示，他右膝前十字韌帶斷裂。 他繼續錯過賽季剩低時間，危及咗佢參加2010年世界盃嘅機會。

2010-11賽季，比比喺皇馬同列卡度 卡華路同教頭祖些 摩連奴一齊，同卡等路結對，成為咗西甲最佳防守組合之一。 2010年10月2號，阿斯報發表咗一篇文章，據報道比比根據波士文裁決，佢有權選擇離開足球會。 根據報道「當佢喺2007年同皇家馬德里簽約嘅時候，佢犧牲咗一部分人工去俾佢嘅鉅額轉會費——呢個原因亦造成咗佢係喺足球會入面，收入最低嘅人之一，年收入€180萬。」佢亦再次因傷缺席咗幾場比賽，經過談判後，佢終於簽咗份新約，將份約延長到2015年。

比比喺賽季最後階段以中堅的身份出現，皇馬喺唔夠一個月嘅時間要四次對陣巴塞隆拿。 2011年4月27號，在歐聯四強首回合中，佢被派往對巴塞隆拿後衛丹尼爾 艾維斯做出爭議性行為，最終以0:2主場失利。 然而，艾維斯都受到強烈批評，皇馬聲稱呢位巴西後衛誇大咗呢一次事件。 此外，包括里奧 費迪南同奧雲在內都批評咗艾維斯嘅行為。 第2日，歐洲足協對兩間球會都進行處分。 8日之後裁決比比獲得一張紅牌，比比被禁賽下一場歐賽，亦因為咁，他冇參與到魯營球場嘅次回合賽事，最終1:1打和。

2011-17賽季

2011年7月12號，比比再次同皇馬續約，直至2015-16賽季結束。喺11月6號對奧沙辛拿嘅比賽入面，佢喺最終以7比1嘅主場勝利中入咗第二個入球。 喺2012年1月18號嘅國王盃四強對巴塞隆拿嘅首回合入面，佢踩咗美斯嘅手，而美斯喺被犯規之後瞓低。呢件事引起咗西班牙媒體嘅強烈批評，佢哋亦都留意到佢早排喺主場 1 ： 2 輸咗俾法比加斯 ，但係佢堅持話呢件事球證冇睇到，係「無意中嘅啫」 喺1月23號，西班牙皇家足球總會否定咗對比比任何指控。

2012年3月21號，比比又捲入咗另一個嚴重事件：喺客場對維拉利爾嘅比賽中，佢被人罰咗張黃牌，1:1平手，而皇馬喺9人嘅情況下完場，佢喺更衣室同球證José Luis Paradas Romero對質，話： 「呃鬼，我屌你老母。」（Vaya atraco,hijo de puta）兩日後，佢被宣布停賽兩場。

2011-12賽季，比比同拉莫斯組成咗一個強大嘅組合。喺嗰個賽季，佢繼續喺西甲出戰29場，同埋喺所有賽事中，出戰45場，而皇馬攞到佢哋第32個聯賽冠軍。

2012年8月19號，喺揭幕戰對華倫西亞中，比比同皇馬守門員卡斯拿斯相撞，令到客隊最終結果1:1追返比分。隨後佢被送往醫院觀察，第二日就出院。因為摩連奴爭執，比比喺成個賽季都輸咗佢嘅首發位置俾華拉尼，最後喺2013年國王盃決賽嘅替補席上同馬體會主帥迪亞高 施蒙尼搏鬥。

2013-14賽季，比比喺皇馬入面嘅入球同出場次數都係職業生涯最高，可以話道係巔峰。喺 2013-14賽季歐聯入面，佢出戰咗11次。當時嘅皇馬主帥安察洛堤講到佢嘅重要性，話：「我哋因為佢所以更加放心。佢俾咗我哋信心、個性，同埋佢幫到其他隊員；佢對佢哋嚟講好重要。」

2015-16賽季，比比喺歐聯出戰9次，喺所有賽事中出戰31次。當球隊喺米蘭聖西路球場嘅靠十二碼對馬體會嘅歐聯決賽中贏得冠軍嗰陣，佢就有參與到呢場。

喺佢為皇馬出戰嘅最後一年，佩佩有一個傷患困擾嘅賽季，佢喺呢個賽季只係出戰13場，當時皇馬贏咗佢哋第33次西甲同埋2016-17賽季歐聯冠軍。（喺卡迪夫千禧球場擊敗祖雲達斯）

生涯黃昏：比錫達斯

土超球隊比錫達斯喺2017年7月4號宣布將從皇馬免費轉會比比。佢嘅合約喺兩年內總共價值€950萬元，加上每上場一次就有嘅€4000獎金。喺8月13號，佢喺主場2:0勝出Antalyaspor，入咗佢喺土超嘅第一球。

喺2018年4月19號，喺土耳其盃第二回合對費倫巴治嘅比賽中，佢喺對Josef de Souza嘅攻擊之後，喺比錫達斯攞到佢第一張紅牌。後來，比錫達斯教練被看臺上拋出嘅物體撞到，比賽就被終止。

比比喺2018年12月17號嘅雙方協議中撤銷咗佢同比錫達斯嘅合約。

徵戰連年：重返波圖

2019年1月8日，比比喺十幾年之後翻番波圖，合約簽咗兩年半。一個星期之後，佢喺2018-19葡萄牙盃八強賽入面，佢亦都踢咗自2007年以嚟波圖首場，喺客場以2:1贏咗歴索斯。雖然球隊喺最後一日以亞軍結束咗2018-19賽季，並且喺2019 Taça de Portugal final決賽中因為十二碼而輸，士砵亭喺2019-20賽季贏晒兩項（盃賽同埋聯賽）。

喺丹尼路 佩雷拉離開去咗巴黎聖日耳門之後，比比喺2020年10月12號被任命為隊長。喺第二個月，佢將佢嘅合約延長至2023年。

喺2023年10月25號，以40歲241日，比比喺2023–24年歐洲聯賽冠軍盃分組賽客場中對皇家安特衛普以4:1勝出，成為咗參賽歐聯中，年紀最大嘅球員，打破咗之前由亞歷辛度 哥斯達古達保持咗17年嘅紀錄。喺11月7號，比比喺波圖對皇家安特衛普，比比頭槌攻入，為波圖奪得第2分，最終2:0勝。以40歲254日成為咗歐聯史上最老嘅入球者，打破咗之前由1988年曼菲 布斯梅拿創立嘅紀錄。喺2023年12月13號，比比喺歐聯對上薩克達，5:3勝，比賽中首發並入球，將佢嘅紀錄延長到40歲289日。2024年3月12號，41歲嘅比比喺對阿仙奴嘅比賽中，成為第一個40歲以上嘅喺歐聯淘汰賽階段出戰。

國際生涯

2008歐國盃同埋2010世界盃

比比從來都冇喺任何青年組別代表過佢嘅祖國巴西。不過，根據比比父親嘅講法，喺2006年，主教練鄧加聯絡比比，話佢可能會被招募，但係佢拒絕咗，話一旦獲得葡萄牙國籍，佢就會加入葡萄牙隊。佢喺2007年8月入籍，喺8月30號，鑑於2008年歐國盃外圍賽對波蘭嘅比賽，佢首次入選葡萄牙隊。喺佢嘅球會訓練嗰陣受傷，令到佢冇辦法首次亮相，而呢個首次亮相將會喺差唔多四個月後實現，就係葡萄牙喺11月21號對芬蘭，主場0:0打和。

喺最後階段，比比出戰曬所有比賽。

喺2008年6月7號對土耳其，入咗一球，2:0勝，但葡萄牙喺八強被德國淘汰。

喺2010世界盃外圍賽期間，比比經常被教練卡路士 昆洛斯用作中堅。喺為皇馬出戰嗰陣，佢嘅膝頭嚴重受傷嘅情況下，佢最終亦都可以如願以償，入選咗葡萄牙，可以參加南非世界盃。不過，喺小組賽對巴西（0-0），同埋喺2010年國際足協世界盃外圍賽 (歐洲區)對當屆世界冠軍西班牙0:1落敗。

2012歐國盃同埋2014世界盃

喺2012歐國盃，比比喺主帥保羅 賓圖嘅帶領下再次成為首發，喺對丹麥嘅第二場小組賽中，祖奧莫天奴開出角球後，比比頭槌入球，最終以 3:2 勝出。後來佢被歐洲足協選為今場表現最佳球員，而喺半決賽，佢係唯二葡萄牙人喺互射十二碼入球嘅人之一，互射十二碼階段中以2:4敗走西班牙，最終奪四。

喺2014世界盃，比比喺葡萄牙對最終冠軍德國嘅揭幕賽，因為喺上半場將近中場時，用頭撞湯馬士 梅拿而獲得紅牌一張，最終以0:4輸咗。當時，梅拿坐喺地上，比比行返去梅拿度，用頭撞佢。

2016歐國盃同埋2017洲際國家盃

比比喺2016歐國盃決賽入面被評選為最佳球員，佢幫助球隊喺加時賽1:0擊敗主辦國法國嘅比賽中保持冇失球，並且贏取葡萄牙有史以來第一個國際性賽事嘅冠軍。佢喺決賽出色、堅定同有紀律嘅表現俾天空體育臺同Football Paradise嘅 Juuso Kilpeläinen 留意到。2017年7月2號，喺2017洲際國家盃對墨西哥嘅季軍賽中，比比喺補時時間攻入一球追返比分，將比賽送入加時賽。葡萄牙最終以2:1贏咗呢場比賽，攞到銅牌。

2018世界盃同哩2020歐國盃

喺2018年世界盃葡萄牙對西班牙嘅揭幕賽，比比同西班牙前鋒迪亞高 哥斯達相撞後倒地，迪亞高 哥斯達之後碌波入禁區，然後入球。呢個入球經視像助理球證 （VAR ）查驗，判今次得分有效。葡萄牙第二場比賽，比比被摩洛哥隊 美迪 賓拿迪亞拍背後瞓低。BBC 嘅評論員，前足球員里奧 費迪南稱比比嘅瞓地「尷尬」。前前鋒杜奧巴亦都對比比表示嘲笑，話「佢已經做過幾次」。 喺葡萄牙對烏拉圭嘅16強中，比比入球，但2:1敗。

喺2018年9月6號，喺阿爾加維球場對克羅地亞嘅友誼賽中，比比攞咗佢第100次上陣。佢擔任咗隊長一職，喺Pizzi嘅橫傳中，成攻頭槌攻入追回比分， 最終1:1打和。

由於伊巴謙莫域嘅傷勢，38歲嘅比比係2021年6月延遲舉行嘅2020年歐國盃決賽中最老嘅球員。同年11月11號，佢喺2022世界盃外圍賽客場對愛爾蘭嘅比賽中，雙方都冇入球嘅情況下，比比被罰落場。

2022世界盃

喺2022年10月，佢入選咗葡萄牙2022年卡塔世界盃嘅初選55人名單，亦入選咗呢個比賽嘅最後26人名單。佢喺16強對瑞士嘅比賽中，喺葡萄牙以6:1大勝勝瑞士嘅比賽入面，入咗一粒；因此，佢以39歲283日嘅年齡，成為咗喺淘汰賽階段入球嘅最老球員，亦係世界盃入球嘅第二大球員，落後於喀麥隆前鋒羅渣 米拿，佢以42歲39日高齡喺1994年世界盃對俄羅斯入球。

2024歐國盃

喺2024年5月，比比入選咗2024年歐國盃嘅26人名單。喺6月18號對捷克嘅首場賽事中，佢成為咗歐洲賽事中，入面最大嘅球員，佢嗰時係41歲113日大。佢亦都成為咗唯三參加過五屆歐洲賽事嘅人之一。

風格

被視為佢呢個世代最好嘅後衛之一，喺佢嘅巔峰時期，比比係一個快速、侵略性、體能強壯同鬥志頑強嘅後衛，佢以佢嘅效率、體力同壓迫嘅防守風格而聞名。由於佢嘅身高，佢喺定位球上亦都係一個對空中好有威脅性。雖然佢通常都係踢中堅，但係喺國際賽事上面嘅時候，佢亦都有時會踢防守中場。不過，即使佢有好高防守能力，但係佢亦因為佢成日拎牌而受到傳媒嘅批評，因為佢經常喺球場上表現出暴力或者唔配合嘅行為，特別係佢喺皇馬嘅時候，包括受傷停賽，不過，雖然佢聲譽唔係咁好，但佢亦都因為佢嘅領導能力、戰術執行能力、強硬、同長命獲得好多專家、球員同教練嘅認可。謝恩美 贊拿斯亦都讚揚咗比比喺2016年嘅運動能力同控球能力。

個人生活

比比佢同Ana Sofia Moreira喺2007年，葡萄牙波圖相識後，日久生情，最終成功結婚，而且仲生仲兩個女。

榮譽

波圖時期

• 葡萄牙超級聯賽 冠軍：2005-06、2006-07、2019-20、2021-22
• 葡萄牙盃 冠軍：2005-06、2019-20、2021-22、2022-23、2023-24
• 葡萄牙超級盃 冠軍：2004年、2006年、2020年、2022年
• 葡萄牙聯賽盃 冠軍：2023年
• 洲際盃 冠軍：2004年

皇家馬德里時期

• 西班牙甲組聯賽 冠軍：2007-08、2011-12、2016-17
• 西班牙國王盃 冠軍：2010-11、2013-14
• 西班牙超級盃 冠軍：2008年、2012年
• 歐洲冠軍聯賽 冠軍：2013-14、2015-16、2016-17
• 歐洲超級盃 冠軍：2014年、2016年
• 世界冠軍球會盃 冠軍：2014年、2016年

葡萄牙

• 歐洲國家盃 冠軍：2016年
• 聯合會盃 季軍：2017年
• 歐洲國家聯賽 冠軍：2019年

個人成就

• 

  功績勳章指揮官級：2016年