民權監察
民權觀察係一個喺2014年雨傘運動後成立嘅組織[1]，以關注警權同埋人權問題作為工作方向[2]。
關注議題
[編輯]要求監警會作出改革
[編輯]民權監察對現行監警會嘅制度抱質疑，例如，佢哋喺2017年12月曾發表文章質疑太多「無法證實」個案嘅投訴機制，又批評監警會指有啲投訴人作出「策略性投訴」嘅說法誤導公眾[3]。
反送中運動監察警方執法
[編輯]反對逃犯條例修訂草案運動期間，香港警察嘅表現備受批評，其中指控包括假扮示威者進行縱火破壞，拘捕觀察員同埋使用過份暴力等。
喺2019年6月，針對6月12號警方暴力鎮壓和平示威者，施放超過 150 粒催淚彈，甚至出動布袋彈、橡膠子彈等具殺傷力武器，民權觀察指出，平台短短三日已經收到三十五宗個案[4]。
喺2019年8月，民權觀察成員王浩賢指出一般嘅便衣警員已經可以制服同埋拘捕示威者，假扮示威者缺乏正當嘅理由，而在場假扮示威者嘅警員亦涉嫌煽動群眾進行非法集結等行為[5]。
喺2019年9月15號，民陣原定喺港島遊行嘅警方發出反對通知書兼上訴失敗後，仍有大批人士喺原定起點銅鑼灣東角道聚集。警方先後發射催淚彈同埋出動水炮車驅散人群。民權觀察批評，警方錯誤使用低致命武器，會增加致命風險，同使用低致命武器避免示威者或者市民嚴重傷亡嘅目的不符[6]。
喺2020年香港元旦大遊行，民權觀察三名人權觀察員被捕，其後民權觀察批評，有關行動有違國際公約，質疑警方企圖以大規模濫捕嘅方式阻嚇和平示威者行使集會同埋表達意見嘅權利[7][8]。
關注香港國安法濫用情況
[編輯]2020年12月，民權監察發表咗報告，指國安處介入咗至少七單唔涉及香港國安法嘅案件，民權監察批評，國安處嘅負責範圍含糊，為任意拘捕開大門。報告又批評，國安處成立舉報熱線，畀市民可以作匿名舉報，但呢啲舉報難以追蹤驗證，變相鼓勵人惡意投訴，或者以非法手段取得嘅資訊作舉報，營造一種「告密」嘅風氣，破壞社會間嘅信任，嚴重傷害持不同意見人士表達觀點想法嘅自由。要求政府公開有關指引同埋國安法指定法官嘅名單[9]。
參考
[編輯]- ↑ 〈關於我們〉。Civil Rights Observer (香港中文)。原著喺2019-09-03歸檔。喺2020-01-04搵到。
- ↑ 〈民權觀察 | 立場新聞〉。《立場新聞 Stand News》 (英文)。原著喺2020-01-24歸檔。喺2020-01-04搵到。
- ↑ 〈監警有道？太多「無法證實」個案的投訴機制 | 民權觀察 | 立場新聞〉。《立場新聞 Stand News》 (英文)。原著喺2019-08-14歸檔。喺2020-01-04搵到。
- ↑ 〈民權觀察3日收35濫暴個案〉。《Apple Daily 蘋果日報》。原著喺2020-06-25歸檔。喺2020-01-04搵到。
- ↑ 〈疑似警員假扮示威者執行職務 民權觀察：行動無合理理由 需留意有否煽動群眾〉。《立場新聞》。2019-08-12。原著喺2019-08-12歸檔。喺2019-08-12搵到。
- ↑ 星島日報。〈【修例風波】民權觀察斥警射水炮及催淚彈無預警 禁集會違國際人權法〉。std.stheadline.com (英文)。喺2020-01-04搵到。
- ↑ 郭倩雯 (2020-01-02)。〈【元旦遊行】三名人權觀察員首被捕 民權觀察：有違國際公約〉。《香港01》 (香港中文)。喺2020-01-04搵到。
- ↑ 〈民權觀察批評警方元旦日拘捕觀察員 質疑違反國際準則 - RTHK〉。news.rthk.hk (臺灣中文)。原著喺2020-01-05歸檔。喺2020-01-04搵到。
- ↑ 〈民權監察：國安處介入至少 7 宗不涉國安法案件 負責範圍含糊 為任意拘捕開大門 | 立場報道 | 立場新聞〉。《立場新聞 Stand News》 (英文)。原著喺2020-12-22歸檔。喺2020-12-22搵到。