水廠

水廠（粵拼：seoi2 cong2），一般指給水處理廠kap1 seoi2 cyu2 lei5 cong2（簡稱給水廠），又叫濾水廠（leoi6 seoi2 cong2）、淨水廠（zing6 seoi2 cong2）。水廠做供水服務，供應嘅叫自來水，將來自河、湖、地下嘅天然水過濾淨化，按照唔同嘅淨化標準，供應唔同水質嘅水畀相應嘅用家。一般來講，居民生活用嘅水用高標準過濾，工業用水同市政用水（比如消防、綠化、洗街等）按中低標準過濾。同給水廠相對嘅係污水廠。

水廠一般過濾嘅原水係淡水，亦有水廠從海度抽鹹水，將鹹水淡化、濾淨成用得嘅淡水來供應，尤其好似沙地阿拉伯呢啲好缺淡水嘅國家，就會靠海水淡化。水廠亦可以供應鹹水，比如喺香港，用水分淡水同鹹水兩種，淡水用於生活、生產，鹹水愛來沖廁所，噉樣唔使嘥咗啲淡水。