永安百貨 (上海)

出自維基百科,自由嘅百科全書
Jump to navigation Jump to search
上海永安公司
Old Wing On in Shanghai.jpg
永安公司倚雲閣

所在國家Flag of the People's Republic of China.svg 中國
所在地點上海市南京東路635號
建築師公和洋行
動工日期1916年
完工日期1918年
建築成本200萬港元
建築風格折衷主義

上海永安百貨公司,簡稱係上海永安公司、永安百貨,係上海南京路度嘅一家老牌百貨公司。喺1918年9月5號落成投入營運,主營環球百貨。

規模[編輯]

開業時設嘅商場有4層,營業面積0.6萬幾平方,經營品種一到兩萬種。仲兼營大東旅社、大樂酒樓、天韻樓遊樂場、永安保險公司等公司業務[1]

[編輯]

揀地軼事[編輯]

喺1915年永安公司委託咗郭泉郭葵去上海搵地方起環球百貨公司。嗰時永安初步揀定咗南京路日升樓傍嘅地皮,然之後請咗兩人帶咗兩個袋,其中一袋係入咗啲豆,人去到南京路就企兩旁,逢嚫有途人行過就會放粒豆去空袋[2]。經過段時間嘅調查,認為南京路南嘅市面過往途人多啲,市面熱鬧啲。於是乎,永安就揀咗先施公司對面去起新嘅百貨商廈。[3]

租地軼事[編輯]

進入咗1910年代之後,哈同成為咗南京路沿線地產最多嘅持有人。永安公司揀中嘅南京路浙江路西南角嘅八畝地皮,都係哈同名下嘅。哈同嘅開價係年租白銀五萬兩[4]。而唔同對面馬路嘅先施公司,雖然同樣係哈同嘅地皮,但對面到期後大樓係賣咗俾雷氏德洋行,而永安使用幅地30年後,就要將物業無償轉俾哈同洋行,條件係極之苛刻。但永安嘅創始人郭樂認為30年後,永安仲可以喺呢度賺返20噸黃金,所以接受咗哈同洋行嘅報價。[3]

發展[編輯]

喺1916年4月,上海嘅永安公司就咁開咗工。兩年後,上海永安百貨委託公和洋行設計嘅大樓落成。1918年9月5號,南京路635號嘅永安百貨正式開業。嗰陣時嘅永安百貨係沿著南京路底層設置櫥窗,創上海百貨沿街櫥窗嘅先河。

1966年,永安公司招牌被砸掉。

到1946年永安公司同哈同洋行嘅30年租約到咗期,而公司利用咗哈同、羅迦陵兩人相繼過身,啲仔女仲大打咁遺產案嘅契機,使咗112.5萬美金買低返幅地嘅產權[5]

中共建政後,1956年1月永安公司被公私合營。1966年改名國營東方紅百貨商店,隨後再改名上海市第十百貨商店,到1988年改名華聯商廈。永安新廈就改做「華僑商店」,喺中國大陸開放外匯兌換前,係上海少數可以用外匯券去買配給以外啲物資嘅商戶。2005年4月,華聯商廈改返叫「永安百貨有限公司」,而實際成為咗國有企業百聯集團下屬嘅子公司,同原本嘅香港永安經已冇嗮關係。

建築物[編輯]

老永安公司
上海市文物保護單位
喺邊上海市黃浦區
近現代重要史跡及代表性建築
時代1918年
5-14
登錄1989年9月25號
地圖

永安公司嘅樓宇係有六層高,局部地方係七層高。嗰陣時嘅公和洋行係照著折衷主義嘅風格去設計。大樓嘅平面總體係長方形,而東北角正門處就係弧形。沿著南京路側係設有十個大玻璃櫥窗,仲有三道愛奧尼克柱式大門。

二樓以上,均有伸出去嘅鑄鐵欄河長廊同露臺[6]。建築外牆係用水磨石敷面,頂樓就有兩層高塔樓,個名叫倚雲閣。喺1987年後,業主一度喺正門上方安咗30米高嘅反光玻璃幕牆,嵌埋「華聯商廈」四隻大字[7]。到咗2005年永安百貨復名時,同大樓搞返大整修,拆咗1987年安嘅玻璃幕牆,原被後移嘅底層櫥窗就恢復返原樣,同時又修復返外部嘅鑄鐵欄河、露臺、窗花等嘅式樣。頂樓嘅花園都修復返咗[8]

外文名[編輯]

上海嘅新國有永安百貨英文用普通話拼音“Yongan”,而唔係永安公司一路用開嘅粵式郵政式拼音Wing On”,同其他啲公私合營後嘅國有企業嘅做法相同

[編輯]

  1. 上海通志 第十九卷商业服务业
  2. "上海滩永安百货百年不倒法宝" (中文). 网易. 喺2014-07-30搵到.
  3. 3.0 3.1 "上海名建筑志>>欧美风情的沪滨广厦>>古典式的永安大楼与现代摩天楼式的"七重天"" (中文). 上海地方志办公室. 原著喺2014-06-18歸檔. 喺2014-07-30搵到. Unknown parameter |deadurl= ignored (help)
  4. "旧上海最上档次"公司" 永安三度更名重回南京路" (中文). 东方网. 喺2014-07-30搵到.
  5. "上海永安百货:中国最早的建筑综合体" (中文). 新浪网. 喺2014-07-30搵到.
  6. 引用錯誤 無效嘅<ref>標籤; 無文字提供於名為WO1嘅參照
  7. 黄浦区人民政府 (1989). 上海市黄浦区地名志. 上海市淮海中路622弄7号: 上海社会科学院出版社. p. 543. ISBN 7805152993.CS1 maint: location (link)
  8. "华联商厦"修复如旧" 28日翻牌"永安百货"" (中文). 东方网. 喺2014-07-30搵到.