江南四大才子

江南四大才子指明朝四個大文人——唐伯虎、祝枝山、文徵明同徐禎卿。

佢哋才思敏捷，才華洋溢，詩詞歌賦樣樣精通，基本上繪畫書法均無所不精，亦精通文理，可以話係明朝時期最為著名嘅書畫家同埋文學家。佢哋創作嘅著名繪畫、書法同埋詩詞作品，成為後世人所樂道嘅文壇瑰寶。

流行文化

香港無綫電視2000年拍咗一套電視劇《金裝四大才子》，講述唐伯虎、祝枝山、文徵明同虛構嘅周文賓嘅故仔。