決鬥

決鬥場面

公平決鬥。雙方日照方向相同。

決鬥，戰一種，鬥一種，比武一種，安排二人對戰一次，以解決爭執、怨恨，又或者維護榮譽，直至滿意，或某方負傷不能再戰，或死亡為止。

現今各地都有法例禁止私鬥，違者即犯事。然而西方曾經有法例認可，可以解決私怨，雙方用類似兵器，以示公平。決門依隻字出日文決闘，兩個武士間刀劍相向。古時唐人都有比武，但唔一定為解怨，亦可用於比賽。而軍事上，亦有兩人搦戰定輸贏，雙方派出一武將對決，小說常見。決雌雄、決勝負亦屬決鬥另一講法。

決鬥喺現代過程中沒落。一來政府伸手愈來愈長，管得愈來愈細緻。二來決鬥大多涉及軍官，現代軍官由公帑訓練，軍官決鬥死傷，會做成軍方負擔。三來世界大戰死傷枕藉，遠超過去戰爭，決鬥死傷唔為人所樂見。沒落至終出自公眾睇法，而非法律。

西方先有比刀劍，後有比鎗。原本祇限於貴族男人，後尾到現代就推至上流社會，甚至女人。