河上鄉

河上鄉鄉公所及康樂中心

河上鄉（Ho Sheung Heung）係香港一地，亦係一村，喺新界北部。佢喺古洞東北，馬草壟以西南，燕崗以北。河上鄉東便隔籬就係雙魚河，過河就係塱原濕地。跟雙魚河北行就到梧桐河，再向北行就係羅湖，見深圳河。

河上鄉最近嘅新市鎮係上水。

史

香港政府接手新界之時，河上鄉歸入侯約鄉。

村

河上鄉條村，歸入上水鄉事委員會。條村姓侯，家下係新界五大族之一，而條村係北宋末年起嘅。河上鄉因為咁古老，亦有啲古蹟。村裏便嘅居石侯公祠係，村嘅地標，亦係香港法定古蹟。除咗公祠，重有洪聖古廟及排峰古廟，係香港二級歷史建築。

河上鄉有鴻淘荳品廠，以平價任飲荳漿出名。佢對便有河溪學校，係間廢咗嘅小學。