提示：呢篇文講嘅唔係
魷魚。
油魚
油魚係好似棘鱗蛇鯖同異鱗蛇鯖呢啲含有大量叫「蠟酯」嘅油脂嘅帶鰆科魚，響世界各熱帶同溫帶海洋都搵到。油魚有好多唔同稱呼，譬如「圓雪（鱈）」、「仿雪（鱈）魚」、「白玉豚」、「牛油魚」，而香港政府就建議統一叫「蠟油魚」。
油魚嘅蠟酯雖然冇毒，但人體好難消化。食咗油魚之後，啲油會喺條直腸堆積，大約半粒鐘之後突然會開始肚痾，屙出嘅屎夾埋一大堆橙黃色、好難聞嘅油，一般痾足兩日先會好返。[1]所以，好多國家都禁售或者唔建議國民食油魚，但係有無良商人會用油魚扮貴好多嘅鱈魚去賣。
