內德·法蘭達（Ned Flander）係美國處境喜劇卡通《阿森一族》（The Simpsons）嘅一個角色。法蘭達啱啱開始出場嗰陣被描述成一個虔誠嘅基督徒，會定時去做禮拜同捐錢俾教會，但打後阿森一族嘅故仔將法蘭達「虔誠基督徒」呢個特徵誇張化，將佢描繪成一個狂熱嘅基督教原教旨主義份子，而且佢變到除咗呢一點之外乜嘢特徵都冇，所以英文文壇有咗個詞叫「法蘭達化」（Flanderization），指啲作者攞一個具有某個特徵嘅角色，並且將個特徵慢慢誇張化，最後令到個特徵成為咗嗰個角色嘅代表。
