波波公仔實驗

波波公仔實驗（Bobo doll experiment）係一個好出名嘅行為主義心理學實驗，呢個實驗展示咗觀察學習嘅機械：喺呢個實驗入面，個研究者搵咗班細路返嚟做受試者，並且俾佢哋喺實驗室入面自由噉玩啲玩具；個研究者暗中將班細路分咗做兩組－其中一組個研究者俾佢哋觀察一個大人郁手打一個波波公仔，而另一組就冇做呢種觀察；結果發現，有觀察過大人郁手打公仔嘅細路仔事後比較有攻擊性，顯示咗「觀察其他人嘅行為」會引致一個細路仔嘅行為有所改變。