泥城之戰係晚清年代上海租界同清國軍隊爆發嘅一場戰爭。呢仗俾租界贏咗。
1853年3月，太平天國佔領南京。4月12號，上海租界嘅外國人作出反應。喺英、法、美三國領事倡導下，佢哋召開上海租地西人大會，決定畀僑民組織萬國商團（義勇隊），奉行武裝中立方針，以維護租界安全。1854年4月4號，清軍想經租界進攻佔領上海縣城嘅小刀會。萬國商團多得英、美海軍幫手，武力阻止清軍過界，史稱泥城之戰。
