泰國旗

泰國旗

泰國旗，泰文音譯通代隆（ธงไตรรงค์，「三色旗」），係代表泰國嘅旗，由拉瑪六世設計。旗長闊比例3:2，由紅、白、藍、白、紅五條橫帶組成，藍帶比紅、白帶闊一倍。

紅色代表住泰國嘅國土同民族；白色原本指上座部佛教，後尾就被解釋做宗教嘅意思；藍色就係指泰國王室同埋泰國國王（柬埔寨旗嘅三隻色象徵：紅色係民族，白色係宗教，藍色係國王同泰國旗三隻色嘅象徵基本一樣）。

而家嘅泰國旗由1917年9月28號開始用。由2017年起，為咗紀念泰王拉瑪六世設計通代隆100周年紀念，每年9月28號係泰國國旗日，係泰國嘅非法定假日。