泰康路 (廣州越秀)

  呢篇文講廣州市地區之前嗌過「萬福路」嘅馬路。想搵而家重嗌緊「萬福路」嘅馬路嘅話，請睇萬福路 (廣州)。

  呢篇嘢講嘅係越秀區嘅泰康路。

• 想搵花都區嘅泰康路，請睇「泰康路 (廣州花都)」。
• 想搵其他城市嘅泰康路，請睇「泰康路」。

泰　康　路 TAIKANG ROAD

泰康路嘅路牌

性質： 一般馬路 全長： 0.454公里 行車線： 雙向3車道 地區： 廣州市越秀區 起點： 一德路同廣州起義路嘅交界附近嘅海珠廣場 終點： 北京路 主要建築： 廣州賓館 泰康城廣場 仰忠精品批發城 泰康路小學

泰康路（粵拼：taai3 hong1 lou6）係中國廣東省廣州市入面嘅一條馬路，喺越秀區入面，西邊喺一德路同廣州起義路嘅交界附近嘅海珠廣場嗰邊開始，一直向東去到北京路嗰邊。

概要

全長454米，闊16米，雙向3車道。

名

其實喺1920年拆咗城墻之後起馬路嗰陣，最先唔係嗌「泰康路」，而係嗌「萬福路」。不過到咗20世紀30年代初，楊永泰嚟咗廣州做咗領導，佢諗住將自己嘅名用嚟做路名嚟紀念。不過嗰時改路名嘅規定係一定要死咗嘅歷史人物先至做得。而楊永泰就諗咗好耐，結果諗咗條噉嘅嘺出嚟。就將佢嘅名拆開咗嚟做兩條馬路，嗰時其中一條嗌「漢民路」嘅馬路就俾佢改咗嗌「永漢路」，而萬福路嘅最西邊一橛仔就改咗名嗌「泰康路」，結果咁啱就將「永泰」呢兩個字用嗮喺呢兩條馬路入面而搞掂咗佢等到頸到長埋嘅嘢。雖然話永漢路喺文革期間唔好彩，改咗嗌北京路嘅名重一直用到而家，但係「泰康路」呢條路名冇受到影響，重一直用到而家。

經過嘅道路

呢度啲路嘅順序係從西去到東嚟排嘅，其中加粗咗嘅字係主幹道：

• 一德路、廣州起義路、海珠橋
• 僑光東路
• 迴龍路
• 北京路、萬福路

特色

呢條馬路之前係賣山貨同竹器嘅一條街。而家有好多裝飾材料同精品都喺呢度搞批發，而馬路嘅北邊重保留咗好多騎樓響度。