流動充電器

出自維基百科,自由嘅百科全書
Jump to navigation Jump to search

流動充電器粵拼lau4 dung6 cung1 din6 hei3,又叫流動叉電器流動電源移動電源,俗稱充電寶,喺香港又俗稱尿袋,臺灣叫行動電源、行動充,喺澳門稱為奶媽英文power bank),係隻可以隨身袋住隨時幫電子設備充嘅產品。大多數流動充電器用USB線來幫其它電子設備充電,之後可以用USB線連落插蘇道來充返電入去。

組成[編輯]

除咗外殼同接口(有USB、Micro USB等幾種)之外,一般流動充電器重會有

  • 可充電池,用來儲電,係流動充電器嘅核心組件。電池品種有鎳氫/鎳鎘電池、液態離子電池(經常就噉簡稱鋰離子電池,包括酸鐵鋰電池[註 1])、鋰離子聚合物電池(簡稱鋰聚電池,即固態鋰離子電池)等品種,其中鎳氫/鎳鎘電池近年來逐漸被後兩種淘汰。圓柱形嘅液態鋰離子電池經常被人按照出廠型號簡稱做18650,爾個型號係反映電池嘅大細,即係高65mm,直徑18mm,但係18650電池入面嘅電極材料可以有好多種。鋰離子電池亦可以係方嘅。不過總體來講,液態鋰離子電池嘅外形無太多選擇,亦無辦法做到好細嚿。而鋰聚電池就可以,而且鋰聚電池無漏液嘅風險[註 2]
  • 指示器,用來話畀用戶聽電池入面重有幾多電,係充緊電定係放緊電之類,有LED燈、數碼管同液晶屏等品種[1][2]
  • 電路板,好多嘢都係靠佢,比如話變壓同穩壓、過載保護、過放/過充保護,同埋令指示器正常工作等等。

新浪科技就將流動充電器分成三個模塊:電池、電路板同外殼[1]

主要指標[編輯]

一般嘅流動充電器都會喺包裝上面明確標示佢嘅一系列指標,包括:

  • 容量,一般用電量表示,單位通常用毫時(mAh)
  • 工作電壓電流,分輸出同輸入,分開標示
  • 溫度,大多數流動充電器衹有喺一定溫度範圍內先可以正常工作,溫度亦會影響下面講到嘅轉換效率
  • 體積、淨重等等

另外,經常提到影響流動充電器好壞嘅一個指標係轉換效率,即係標示嘅電量有幾多可以真係從流動充電器流出來(被充電嘅設備本身亦有轉換效率嘅問題,總嘅轉換效率要兩樣夾埋來睇)。流動充電器轉換效率去唔到百分百,主要受制於兩樣嘢,第一樣係升壓電路造成嘅電量損失,所有鋰離子電池(無論液態定固態)平均輸出電壓都唔超過3.7[註 3],而流動充電器輸出電壓一般係5伏,用能量守恆原理可以計到升高電壓會令電量最多得返原來嘅74%[3],爾部分效率由電池本身決定。第二樣係電路板同指示器嘅能耗等等造成嘅各種內部損耗,爾樣嘢由流動充電器生產工藝決定。

而決定流動充電器係勿安全嘅重要指標就係過載、過充/過放、過熱、漏電等等爾啲保護係勿做得好。

[編輯]

  1. 化學角度講,磷酸鐵鋰電池係液態鋰離子電池一種,但係好多時候3C產業裡面提到嘅鋰離子電池係特指酸鋰電池
  2. 曾家輝 (2014-5-5). "【專欄】行動電源大揭密(01)- 揭穿鋰離子電池大容量的騙局". 癮科技. 喺2015-05-21搵到.  檢查日期值喺: |date= (詳情),以及同一系列嘅另外三篇文
  3. 好多時候廠家會將電池輸出電壓標示成4.2伏,嗰個係電池充滿電嗰時嘅電壓,唔係平均電壓

參考[編輯]

  1. 1.0 1.1 "數碼幫第六期:移動電源那些可以說的秘密". 新浪網. 喺2015-05-21搵到. (簡體中文)
  2. 驅動中國網 (北京) (2014-06-19). "用戶基本知識掃盲:移動電源應該看什麼?". 網易. (原先內容喺2016-03-05歸檔). 喺2015-05-21搵到. (簡體中文)
  3. 天極網 (2012-11-21). "揭示真相:移動電源轉換效率解析(圖)". 新華網. 喺2015-05-21搵到. (簡體中文)
爾篇文部分內容由中文維基百科文章行動電源(版本35101134)攞料,並以創意共享之下,署名兼共享版權嘅3.0版本協議授權使用。原文作者請睇嗰版歷史
爾篇文部分內容由英文維基百科文章Lithium-ion battery(版本663216067)攞料,並以創意共享之下,署名兼共享版權嘅3.0版本協議授權使用。原文作者請睇嗰版歷史