海參崴（俄文：Владивосток）而家係俄羅斯濱海邊疆區首府，亦都係俄羅斯遠東地區最大嘅城市。
海參崴先後畀中國嘅唐朝、遼朝、金朝、元朝、明朝同清朝管，直到第二次鴉片戰爭後清朝同俄羅斯簽《中俄北京條約》呢個唔平等條約，割讓咗40萬平方公里嘅外東北領土，海參崴就落入俄國手上喇，跟住重改名做Владивосток，即係「征服東方」咁解。
