清平飯店

清平飯店嘅上九路分店舊址。大字招牌一直保存到而家。

 清平飯店（粵拼：cing¹ ping⁴ faan⁶ dim³） 係中國廣州市西關區一間已經執徂笠嘅著名飯店，總店店址喺荔灣區清平路171號，執笠之前最出名嘅菜式係有「廣州第一鷄」之稱嘅「清平鷄」就喺呢度出。

史

喺1964年，清平飯店正式開業。到咗1981年初期，間飯店從平房改成三層樓嘅酒樓。喺呢間酒樓開業到佢重新裝修嗰陣，「清平鷄」呢碟餸喺廣州入面出嗮名，因為平均每日可以賣到百幾隻咁滯。喺1987年重變咗係註冊商標；甚至喺1988年同1993年，攞埋國家商業部金鼎獎同廣東省十大名鷄嘅稱號返嚟。不過間嘢喺2002年就唔好彩，執咗笠。

2004年陣，一啲原清平飯店嘅候鑊同企堂等喺同係老清平嘅文哥召集下，喺寶華路旋源橋開設咗文記壹心雞餐廳，用返清平雞啲配方，整壹心雞傳承出品。而杉木欄路嘅友聯菜館，據稱亦有一脈相承嘅清平雞。候鑊嘅江志明，做過原清平飯店大師傅王源嘅首任徒弟。