滑翔
閱讀設定
![](http://upload.wikimedia.org/wikipedia/commons/thumb/b/b4/Asw20_landung.jpg/220px-Asw20_landung.jpg)
滑翔係一挺冇動力嘅飛行方式。打開一對翼,用空氣嘅阻力嚟飛行。啲大隻嘅鳥,好似鷹、雁,響高空飛行嘅時候經常噉樣飛。佢哋嘅翼唔喐,淨係打開。噉樣飛好慳力。飛機降落嗰陣亦都做滑翔飛行。滑翔嘅原理同紙鷂差唔多。
有啲人好鍾意滑翔飛行運動,佢哋開着冇動力嘅飛機(又叫做「滑翔機」)自然飛行。啲「滑翔機」多數都係冇任何動力嘅,部機慢慢降低高度,直到降落地面。不過遇到上升嘅氣流,亦都可以爬升滑行飛到更高嘅高度。叻嘅滑翔飛行員開着部冇動力嘅滑翔機可以飛幾十到幾百公里,甚至乎飛成千公里[1]。飛得幾耐幾遠視乎天氣同大氣活動狀況。天氣對滑翔影響好大。天氣轉壞,起晒大風或者亂風,冇計,唯有搵個地方快啲降落,唔係嘅話好崖厂。有引擎嘅滑翔機唔夠高嗰陣可以自己點火飛高啲,再熄火,再慢慢滑。
註解同引用
[編輯]- ↑ "Gliding World Records". 原著喺2008-03-11歸檔. 喺2006-12-21搵到.