滕麗名

出自維基百科,自由嘅百科全書
跳去導覽 跳去搵嘢
滕麗名

滕麗名Joyce Tang1976年1月20號—),原名滕麗明,係香港女演員無綫電視藝員。佢喺香港出世,祖籍上海。佢嘅代表作之一,係《陀槍師姐》系列嘅陳三元。

演藝生涯[編輯]

參加新秀歌唱比賽[編輯]

滕麗名喺1995年參加新秀歌唱大賽入行,同屆參加者有陳奕迅楊千嬅。佢喺2021年一次訪問嘅時候,提到其實當時自己見到其他人同TVB工作人員好熟,甚至有人學過聲樂,所以好怯好緊張甚至考慮退出,但又諗到佢哋學過聲樂都要同自己玩,所以蝕底嘅其實係佢哋,所以又繼續參賽[1]

滕麗名同《陀槍師姐》系列關係[編輯]

陀槍師姐系列算係滕麗名其中嘅一套代表作,喺《陀槍師姐2021》宣傳嘅時候,無綫MyTV Super上載咗一段個滕麗名嘅專訪,當中就提到《陀槍師姐》嘅監製搵滕麗名拍《陀槍師姐》,係因為覺得佢夠型夠寸。但滕麗名就話,當時其實係因為佢喺《真情》入面嘅角色梁冰雪有視障,所以佢要戴上三對有色嘅隱形眼鏡,結果當時佢喺片場乜都睇唔到人,同唔到其他人打招呼,令人以為佢好寸。另外,佢又回應網民形容陳三元係無綫電視劇入面有史以來最悲劇嘅一個人物,話自己好認同呢個說法。佢喺第一輯做到一個成功嘅女警,但係喺第二輯已經被人強姦,第三輯個仔死咗,然後第四輯唔知老公死咗未(去到2021交代死咗),佢形容成件事係一個角色嘅成長[1]

部分演藝作品[編輯]

參考[編輯]

  1. 1.0 1.1 "你是你本身的傳奇.滕麗名 陳三元 已經分不開". myTV SUPER YouTube頻道. 喺2021-02-08搵到.

出面網頁[編輯]