潘子文

潘子文（英文：Bruce Pun，1983年 10月28號—）綽號音樂鬼才，係澳門歌手，獨立音樂人同製作人，歌手。佢參加過由澳門廣播電視有限公司舉辦嘅《至愛新聽力》。由佢作曲編曲同主唱嘅歌《My fado》《Channel》就分别得到2014年同埋2018年《至愛新聽力》嘅至愛歌曲獎。2019年同樣由佢作嘅歌曲《Times》就獲得2019年《至愛新聽力》嘅最佳MV大獎同埋嗰年《澳！MV頒獎典禮》嘅最佳視覺效果獎。 2021年同埋2022年連續兩年獲得《澳門國際短片電影節最佳視覺效果獎。佢早年喺法國巴黎音樂師範學院學古典結他演奏，喺澳門理工學院音樂教育系研習，亦喺香港CMA音樂學校同澳門演藝學院修讀色士風、古典結他等等多種樂器。後生嗰時跟香港搖滾樂團Beyond鼓手葉世榮修學敲擊樂。