風球 (澳門)

風球，正式名稱叫熱帶氣旋信號，係當熱帶氣旋接近澳門嘅時候，由澳門地球物理暨氣象局懸掛嘅警告。目的係以簡單同容易理解嘅信號，提醒澳門市民同遊客熱帶氣旋可能會對當地造成影響，同埋警告澳門同附近嘅海域可能出現嘅強烈風勢。

信號意義

澳門風球系統如下：

信號名	日間信號	夜間燈號	意義	安全措施
一號風球			戒備信號：熱帶氣旋中心喺澳門800公里範圍內，可能影響澳門。	檢查可能會俾風吹走或者吹爛嘅嘢係咪安全，例如棚架、花盆、天線等等。細船應該留喺避風塘附近。
三號風球			熱帶氣旋中心移動，可能令澳門吹強風，風速達到每小時41至62公里，陣風大約每小時110公里。	所有船都應該留喺避風塘同安全嘅港口；檢查門窗係咪穩固； 疏通渠道；留意電視台或者電台播出嘅熱帶氣旋消息。 所有小學、幼稚園同特殊教育全日停課
八號西北風球			熱帶氣旋中心逐漸行近澳門，可能令澳門吹信號指嘅方向嘅強風，風速達到每小時63至117公里，陣風大約每小時180公里。	所有學校全日停課；細路仔應該留喺屋企；閂好門窗；做好一切安全措施。 跨海大橋隨時會封閉，但會事前發出通告；澳氹之間嘅交通淨係可以用西灣大橋下層通道。 各個電視台同電台會全日廣播。 全澳門所有巴士路線會喺信號懸掛前30-50分鐘內開尾班車。
八號西南風球
八號東北風球
八號東南風球
九號風球			熱帶氣旋中心繼續行近澳門，預料佢嘅強度足以令澳門受到嚴重影響。	行人同車應該儘量避免出去或者行駛；將容易俾風吹襲嘅門窗用橫閂或者比較重嘅傢俬加固。 颱風會正面吹襲，注意短暫嘅平靜，一般嚟講即係話熱帶氣旋嘅中心喺澳門上空橫過。 當風眼經過嘅時候，風勢可能會突然平靜，維持幾分鐘至幾個鐘， 然後強風突然間喺另一邊吹襲，本來受到屏蔽嘅地區會當風。 留喺安全地點，唔好出街。 其他同八號風球一樣
十號風球			熱帶氣旋已經接近澳門，佢嘅中心會喺接近澳門嘅地方掠過，平均風速可能超過每小時118公里以上，重會吹強烈陣風。