地球物理暨氣象局

地球物理暨氣象局（粵拼：dei6 kau4 mat6 lei5 kei3 hei3 jeung6 guk6，葡萄牙文：Direcção dos Serviços Meteorológicos e Geofísicos，縮寫係SMG，簡稱澳門氣象局或者氣象局（只限澳門）；以前叫地球物理暨氣象台（簡稱氣象台），係澳門特別行政區政府屬下嘅局級部門，隸屬澳門運輸工務司。氣象局負責澳門氣象觀測、地震、空氣成分同質量監察等工作，負責向公眾同私人實體發出氣象方面警告。佢屬於世界氣象組織、亞太經濟暨社會委員會屬下嘅颱風委員會同珠江三角洲氣象服務組成員。

總部[編輯]

澳門氣象局總部喺大潭山東部，佔地超過三千平方公尺，樓高三層，大樓西側有一座高四十公尺嘅氣象雷達塔。

氣象中心每日24小時工作，向公眾發放最新天氣消息，包括最高同最低氣溫、分區氣溫、相對濕度、降雨量、潮汐資料、紫外線指數、風速、氣壓等資訊。同時，亦會預測未來7日天氣概況。有惡劣天氣嗰時，會因應情況而發出唔同嘅天氣警告信號，提醒市民做好相應措施。

航空氣象中心喺澳門國際機場，專責為機場有關用戶提供24小時氣象服務。

氣象局會監察澳門附近地方有無地震。