熱帶氣旋

出自維基百科,自由嘅百科全書
國際太空站觀察颶風伊莎貝爾(2003年)。從太空嘅景觀可以清楚睇到熱帶氣旋嘅特點,包括風眼、眼壁同埋周圍嘅雨帶

熱帶氣旋tropical cyclone)係一種低氣壓天氣系統,喺熱帶亞熱帶海域(例如太平洋,北大西洋印度洋)形成,佢嘅能量嚟自水蒸氣冷卻凝固嗰陣放出嘅潛熱。移動就主要係受到科氏力同其他大尺度天氣系統嘅影響,最終會喺海上消散、轉化做溫帶氣旋或者登陸後喺陸上消散。登陸嘅熱帶氣旋可以造成嚴重嘅財產或者人命傷亡,係由天氣引發嘅天災之一。不過熱帶氣旋亦係大氣循環其中一個組成部分,將熱能由赤道地區帶去高緯度。

熱帶氣旋嘅環流受科氏力影響而圍住中心旋轉。喺北半球,熱帶氣旋沿逆時針方向轉,而喺南半球就順時針咁轉。

[編輯]

熱帶海洋上高產生嘅氣旋統稱「熱帶氣旋」,但喺唔同嘅海洋有唔同嘅叫法,例如北太平洋西部嘅叫做「颱風」(英文:typhoon),北大西洋嘅叫「颶風」(英文:hurricane),印度洋嘅叫「氣旋風暴」(英文:cyclone)。[1]菲律賓人叫佢做「baguio」,澳洲土著叫法係「willy-willy」。[2]

香港天文台總學術主任呂永康所寫,古代漢文文獻顯示,古時冇明確區分「颱風」同「颶風」,好難準確斷定東亞氣象史上幾時開始用「颱風」呢個詞。到明代為止,文獻都係寫「颶風」,冇寫「颱風」嘅。清代開始有文獻以「颶風」來描述春季出現嘅短暫狂風,並以「颱風」來形容夏季較為持續嘅強風。[1]

1950年香港天文台出版嘅《本港風暴訊號》

喺香港,歷史文獻顯示,「颱風」同「颶風」試過係通用嘅。例如1950年天文台出版嘅《本地風暴訊號資料冊》就寫住當時十號風球個名叫做「颶風或颱風訊號」(表示風力將達到颶風或颱風程度,風速每個鐘64海里(118公里)或以上)。自1960代中期至1970年代開始,天文台統一用「颱風」作為熱帶氣旋強度嘅分類,而「颶風」就 kaai3 來描述某一地點所感受嘅風力。[1]

分類[編輯]

香港天文台將熱帶氣旋分成6種。[3]

熱帶氣旋類別 接近風暴中心之10分鐘最高平均風力
熱帶低氣壓 每個鐘41至62公里
熱帶風暴 每個鐘63至87公里
強烈熱帶風暴 每個鐘88至117公里
颱風 每個鐘118至149公里
強颱風[註 1] 每個鐘150至184公里
超強颱風[註 1] 每個鐘185公里或以上

防災[編輯]

會打風嘅地方通常都有一系列措施應對熱帶氣旋吹襲。喺香港,當八號或以上嘅警告信號發出嗰陣,多數人就唔使返工、返學。[4]喺澳門,8號風球發出個話,學校停課。[5]呢D額外嘅唔使做嘅日期,俗稱「風假」。[6]

[編輯]

  1. 1.0 1.1 2009年新增等級

參考[編輯]

  1. 1.0 1.1 1.2 . www.hko.gov.hk (tc). 喺2023-11-06搵到.{{cite web}}: CS1 maint: unrecognized language (link)
  2. 交通部中央氣象署 (2023-09-28). 識與天文 - 中央氣象署全球資訊網. . 喺2023-11-06搵到.
  3. . www.hko.gov.hk (tc). 喺2023-11-06搵到.{{cite web}}: CS1 maint: unrecognized language (link)
  4. . www.hko.gov.hk (tc). 喺2023-11-06搵到.{{cite web}}: CS1 maint: unrecognized language (link)
  5. 校在熱帶氣旋、暴雨及特殊天氣情況下所採取的措施文包 | 教育及青年發展局. portal.dsedj.gov.mo (中文). 喺2023-11-06搵到.
  6. 風小犬丨WFH下無 打風應否在家工作?. Yahoo News (中文). 2023-10-08. 喺2023-11-06搵到.

出邊網頁[編輯]