瀛海威
瀛海威（粵拼：jing4 hoi2 wai1；簡化字：瀛海威）係中國大陸冇咗嘅網絡營運商，亦係中國大陸第一個互聯網接入服務商，1995年9月30號營運，2004年10月19號執笠。
史[編輯]
張樹新喺1994年，通過朋友發嘅第一封電郵先開始知有互聯網嘅事，嗰時互聯網係個好新潮嘅行業，最後佢決定投入互聯網搞一番事業。1995年開辦咗北京瀛海威科技責任有限公司，同年9月30號開始營運，經營模式同美國在線差唔多，有電子報、BBS同傾偈室等內容；但嗰時之前，中國大陸完全未接觸過呢啲嘢，加上嗰時中國大陸完全通過電話線嚟上網，自然唔少得要交電話費。網站開始營運無耐，有好多人用佢嚟上網做其它嘢。
雖然1996年期間通過擴股同開通主要節點，使網站規模發展到全中國大陸，1997年1月同微軟搞咗合作關係。但1997年6月，由於郵電部成立咗169全國多媒體通訊網同埋大幅度調整過入網價格，令瀛海威行向衰落。張樹新喺1999年，雖然打算同中興傾收購問題，但凈得個銡。
2004年10月19號，網站俾信息產業部[註 1]同北京當地嘅工商部門釘咗牌[1]。
註同攷[編輯]
- 註
- ↑ 2008年同國防科工委合併，即係今日嘅中華人民共和國工業和信息化部。
- 攷
- ↑ 〈关于2003年度电信业务经营许可证 年检注销电信业务经营许可证的通告〉. 原著喺2010年8月18號歸檔. 喺2016年5月13號搵到.
連出去[編輯]
- 互联网先烈传－瀛海威 網易