火山塞（英文：Volcanic plug），又叫火山栓、火山頸（英文：volcanic neck），有時亦叫做熔岩頸（英文：lava neck），係活火山噴口裏面既熔岩冷卻、岩漿硬化，形成既火山結構。當火山口既通道塞住咗，上升既熱岩漿困咗喺個塞既下面，個塞好可能會引致氣壓急劇升高，有時會造成爆炸性既噴發。但係，如果火山既能量唔夠，火山口既熔岩冷卻凝結後，形成柱狀既熔岩柱或者碎屑，塞住咗火山通道，形成火山塞。
