火爐山

火爐山（粵拼：fo2 lou4 saan1）係中國廣東省廣州市嘅一座山，喺天河區入面，324國道南邊；華南快速幹線東邊；岑村北邊；大觀路西邊。呢座山係天河區火龍鳳生態景區當中嘅其一景。

傳說

傳說喺幾萬年前，孫悟空大鬧天宮時踢翻咗太上老君嘅煉丹爐，結果一嚿爐石從天上跌咗落天河區東北邊。石破天驚之時，成座山着嗮火，山上嘅綠樹繁花即刻付之一炬。好彩南海觀音菩薩經過呢度，發現咁慘嘅情況之後，倒咗樽神水整熄啲火，之後萬物重生。

過咗好多年，由於被焚之地俾觀音神水滋養過，唔單止啲泥變好咗，連花草樹木都靚咗好多。碎石經過長時間嘅磨礪之後，變成一座大山。所以「火爐山」嘅名係噉嚟。

概況

座山之前係雜樹林區，東北邊屬柯木塱、南邊屬岑村，最高峰係海拔322m嘅白架頂。山林自然資源豐富，加上空氣超清新，負離子含量去到4000幾個/ m³。溪水好清，有好多山泉響度。

景區

周總理紀念林

沁園

協同林

豬頭石

豬頭石係火爐山西邊一嚿幾百立方米嘅天然巨石，個樣好似個豬頭昺噉。雖然古代啲書有講遊人嚟過呢度寫題詞，但而家好難認到。

鷄枕石

鷄枕石係火爐山東邊一嚿似半個波噉嘅天然巨石，個樣好似鷄枕，長29m，闊12m。

古石窿

古石窿，又叫三間兩廊，由幾嚿大石天然整出嚟，空地長10m，闊8m，可以畀10幾個人入去，結構似當地人以前嘅三間兩廊嘅屋噉，但窿口比較窄。

周總理紀念林

周總理紀念林係南門附近嘅一個景區。1972年4月7號，嗰時國務院總理周恩來同馬耳他總理D. 敏多夫一齊嚟咗岑村一帶走訪，重睇咗當地嘅小學、粉廠、衛生站、花果山、水田、池塘、魚塘，及農機站。嗰時岑村捹甩咗「窮」字，成為出嗮名嘅先進代表。周總理為咗記得岑村嘅高速發展，喺火爐山南邊搞咗個岑村紀念林。

出入口

而家嘅火爐山一共有6個出入口，分別係：

出入口	詳細位置	相	開放時間 （UTC+8）	註	可唔可以畀機動車入	門類
西北
鳳凰山賓館門	廣東省龍眼洞林場部門入面		06:00——19:00		唔畀	半正規門
龍眼洞門	324國道嘅銀湖工業區附近		24個鐘開放		唔畀	山門
北
柯木塱門	324國道嘅華美路口正對面		24個鐘開放	正北門	唔畀	正規門
東北
高塘石門	324國道嘅柯木塱北路附近		06:00——22:00	正東北門	可以	正規門
東
凌塘村門	中移動南方基地附近	File:FoLouSaan - Entrance LingTongCyun (EAST GATE).jpg	24個鐘開放	正東南門	唔畀	正規門
南
岑村門	柯木塱南路附近，近華觀路。		06:00——22:00	正南門	可以	正規門