灰錳氧

出自維基百科,自由嘅百科全書
跳去: 定向搵嘢

灰錳氧(化學式:KMnO4),化學界嗌高錳酸鉀,係一隻強嘅氧化劑,喺1659年被佐亨·羅道夫·哥巴發現。佢嘅顏色係紫黑色,個結晶就好似支針咁,可以溶喺水,但係唔可以溶喺機油,佢嘅水溶液顏色係紫色。呢樣嘢重可以用嚟做消毒劑水淨化劑氧化劑漂白劑毒氣吸收劑二氧化碳精制劑。呢樣嘢遇到有機物就會着火啦。而佢嘅化合價入面,最高係有+7咁高。

性質[編輯]

  • 密度:2.703 g/cm³
  • 熔點:270℃(分解)
  • 水溶性:6.38 g/100 ml(20°C,101kPa)
  • 摩爾質量:158.04 g/mol

點樣整出嚟[編輯]

喺礦石入面攞到嘅二氧化錳氫氧化鉀呢兩樣嘢,跟住喺空氣入面撈啲硝酸鉀再加熱佢,跟住錳酸鉀就出嚟,再喺鹼性嘅溶液入面,溝啲氧化劑落去再電解氧化佢,就可以整到高錳酸鉀出嚟喇。而氧化劑方面,重可以攞Mn2+二氧化鉛(PbO2)或者係鉍酸鈉(NaBiO3)呢啲強氧化劑都得。而呢啲反應可以嚟CHECK下Mn2+離子,因為高錳酸鉀嘅顏色係好明顯嘅。

離子方程式:

佢重可以攞MnO2嚟同KOH喺空氣入面產生反應(通過吸收CO2氣體)都得:

2 MnO2 + 4 KOH + O2 → 2 K2MnO4 + 2 H2O
3 K2MnO4 + 2 CO2 → 2 KMnO4 + 2 K2CO3 + MnO2

化學性[編輯]

呢樣嘢可以喺正常嘅溫度嗰陣,一掂到甘油就會發生化學反應,如估喺酸性環境入面重反應得好犀利下。重可以搞掂Cl-、Br-、I-、S2-重有SO2都得。不過如估掂到皮膚嘅話,會出現染色,重幾日都唔甩色嘅。如估啲粉倒喺空氣入面嘅話,重可以搞到人打乞嗤,重可以將SO2同埋啲尿都整到甩色。如估喺堿性溶液嘅環境入面,係唔穩定嘅。

實驗室入面就係成日攞呢樣嘢嚟整氧氣出嚟:

另外,維他命C嘅溶液重可以搞到高錳酸鉀甩色都得。如估維他命C越濃嘅話,可以落少啲都得。

高錳酸鉀重可以氧化HCl:

安全性[編輯]

由於高錳酸鉀係一隻強嘅氧化劑,所以如估你有被氧化嘅嘢,千祈冇同佢擺埋一齊。因為佢可以同濃硫酸搞出個化學反應,出Mn2O7呢隻爆炸物。如估係固體嘅話,掂到純甘油或者係X醇嘅話,都會發生燃燒嘅現象,重燒到鬼咁猛添。

如估佢掂到亞硫酸氫鈉或者係草酸嘅話,會產生化學反應,出現甩色之後,重有啡色笪污漬嚮度添。