災難女孩

細路女望住鏡頭笑，後面有間屋燒緊，呢幅圖喺網上廣傳。

災難女孩（英文：Disaster Girl）係一幅廣爲流傳嘅網絡Meme圖，入面有一間燒緊嘅屋，前面有個細路女露出魔性嘅笑容，好似奸笑噉。

相入邊嘅女子叫 Zoë Roth，喺2005年影呢張相嗰陣佢4歲，2021年4月29號，呢張相賣咗大約$480,000美金。

Roth一家人住喺北卡羅萊納梅班（Mebane, North Carolina）嘅一間消防局附近，佢哋睇住一間作為訓練用途燒緊嘅屋，Zoë 嘅阿爸係一個業餘攝影師，佢影咗呢一張相，阿女 Zoë 笑得好開心，搞到好似係佢放火燒咗間屋奸計得逞咁。2007年佢阿爸攞咗呢張相嚟參加一個攝影比賽，贏咗。 呢張相贏咗2008年JPG雜誌嘅表情捕捉比賽之後出嗮名。Zoë 授權咗用呢張相嚟做教育用途，但係之後呢張相被人用咗無數次作唔同嘅用途，超出 Zoë 嘅控制。喺2021年2月佢收到一封電郵話畀佢知可以用NFT嘅形式賣呢張相，並且價錢高達「六位數字」，Zoë 就決定賣咗張相。2021年4月17號，佢而180以太幣（當時等值於US$486,716）嘅價格賣咗張相畀一個代號 @3FMusic 嘅收藏家。Roth一家保留張相嘅版權，同埋NFT再買嗰陣佢哋會得到10%嘅收益。