無人飛機

  「無人機」跳轉到呢度。假如你想揾嘅係無人響入面嘅機械，請睇「無人機械」。

無人飛機

無人機

無人飛機，簡稱無人機，無人機械嘅一種，係指唔使飛行員坐喺入面控制嘅飛機，軍事上通常用嚟偵察。

史

無人機嘅歷史好耐 ，可以追返到十九世紀咁遠。一八四九年，奧地利用咗裝滿炸藥嘅熱氣球去炸威尼斯，呢個可以話係無人機嘅「祖宗」。但係真正類似而家無人機嘅諗法，係廿世紀初先開始出現。一戰嗰陣，英國發明咗「Aerial Target」呢種遙控飛機，用來訓練防空炮手，呢個係最早嘅無人機雛形。

二戰同冷戰嗰段時間，無人機技術因為軍事需要而大大進步。美國當時出咗「Radioplane OQ-2」呢種遙控「靶機」，專門用嚟訓練防空部隊。之後美國同蘇聯都不斷研發無人機，用嚟偵察同誤導敵人。一九五零至一九六零年代，美國又推出「Firebee」無人機，喺越戰用嚟做偵察，做餌。而家以色列喺一九八零年代更係無人機技術嘅領頭，開發咗「Scout」同「Pioneer」呢類即時監測無人機，對後世影響好大。

近年，尤其是二一世紀初開始，無人機技術發展得好快，應用範圍由軍事擴展到民用。美國嘅「Predator」無人機最初只係用嚟偵察，之後加裝咗導彈，喺阿富汗同伊拉克戰爭中好勁。而家民用無人機越嚟越平，加上 GPS、電池技術同電子設備進步咗，令無人機變得又平又易用。而家無人機四圍都見到，用嚟影相、種田、送貨、救災等等，功能越來越多。近年俄烏戰爭裏頭， 無人機扮演住一個好重要嘅角色，唔少嘅報道， 評論話會直接影響遞時打仗嘅方向。

隨住人工智能同自動化技術嘅發展，無人機嘅未來應用前景更加廣闊。

睇埋

• 航拍機
• 遙控飛機