熊良錫

出自維基百科,自由嘅百科全書
Jump to navigation Jump to search

熊良錫Samuel Hung1953年8月5號—),係香港馬評人。

熊良錫曾經係播音員同電視藝人,先後做過香港電台無綫電視麗的電視亞洲電視。熊良錫喺粵華中學畢業,佢喺1971年加入香港電台做播音員,做《米高馮的故事》廣播劇嘅主角,[1],亦有份做香港電台電視部劇集《獅子山下》。

佢老竇都係馬評人,亦係已故馬評家董驃嘅外甥,本嚟要叫董驃做姑丈[2],但因為做嘢嘅關係先叫佢做「阿叔」[3]。當年佢係全港最高人工嘅馬評家之一,80年代初幫馬經以月薪五萬蚊替騎師日報寫專欄。曾經喺菲律賓住過一段長時間[4],後嚟先返香港同姑丈董驃再次合作評馬。

由於董驃、熊良錫、郭軍城呢個馬評鐵三角大受歡迎,佢哋有時會喺港產片客串角色,都深受歡迎。

喺1997年,董驃同香港賽馬會不和,走咗去澳門做練馬師,熊良錫亦都跟住去,並做咗董驃嘅私人助理。直至到2000年,董驃轉做澳門賽馬會嘅評述員之後,熊良錫再次同董驃同埋卡洛斯組成「講馬鐵三角」,主持澳門賽馬節目,直到2003年董驃突然宣佈唔做之後先至解散。

熊良錫曾經喺澳門賽馬會做賽事評述員[5],有傳佢喺2018年10月1號正式退休,終止佢自己嘅演出同主持生涯,但後嚟証實係假消息。

參考[編輯]

  1. 1971年8月6日(星期五),香港《華僑日報》,第六張;第二頁:米高馮的故事 熊良錫任主角
  2. 亞視百人:熊良錫專訪
  3. 2006年2月23日 文匯報
  4. 2010年8月24日東方日報
  5. 澳門賽馬會-賽事資訊-傳播資訊

出面網頁[編輯]