熊貓燒香

出自維基百科,自由嘅百科全書

熊貓燒香粵拼hung4 maau1 siu1 hoeng1;病毒編碼:Win32.Worm.WhBoy.*),又嗌武漢男生,係隻Windows蠕蟲病毒,呢隻病毒喺2007年1月7號開始發起大規模攻擊,喺中國大陸啲電腦受影響。

個病毒要通過網上下載嚟傳染。用戶一旦中咗噉嘅病毒,最先一大堆*.exe文件都打唔開,之後一大堆文件都會清一色變成熊貓舉起三支嘅圖,但唔感染Windows系統資料夾入面啲嘢。不過凡係遇到殺毒軟件同防火牆,病毒都識強制結束進程,甚至出現藍屏、成日重啟嘅情況。尤其喺Windows 2000XP系統,一旦遇到廢密碼或空密碼情況,病毒都會趁火打劫。個病毒重識喺運行之後,喺各個盤放出autoun.inf同佢本身個病毒,造成磁盤分區同U盤A盤等可移動磁盤裝置都冇辦法正常打開。

後嚟個病毒俾湖北省公共信息網絡安全監察小組發現兼報案,查到個病毒原嚟係湖北武漢新洲區嘅編程家——李俊同埋佢班同夥一手所為。湖北省公安廳卒之喺2007年2月1號將李俊同佢班同夥一齊叉住兼收監四年。李俊同佢班同夥喺2010年12月底出獄。

[編輯]