熱乾麪

熱乾麪

熱乾麪（粵拼：jit6 gon1 min6）係中國湖北省武漢市其中一個漢族特色小食。熱乾麪喺湖北嘅大部分地區受歡迎。而家喺中國內地好多地區都見到佢。呢種麪同北京嘅炸醬麪、河南嘅燴麪、山西嘅刀削麪同埋四川嘅擔擔麪一齊，稱為中國五大名麪。重成為中國十大麪之首。

典故

究竟熱乾麪係點出嘅，到而家為止都無準確答案，但武漢當地大部分講嘅版就係喺20世紀20年代，嗰時漢口區嘅長堤街入面，有位嗌李包嘅人喺關帝廟嗰帶成日賣凍粉同湯麪。點知有日，天氣熱辣辣，搞到有好多剩低啲麪都未賣嗮，佢就驚住啲麵會發酵先至將佢丼咗落個鑊度煮熟，重整乾佢，放喺砧板度。但係佢一下唔小心倒瀉咗個油壺啲麻油淋咗喺麪度。而李包睇到麻油倒瀉嗮落個麪度就冇辦法，就將啲麪用油嚟溝渾再重新擺過。點知第日朝早，李包將溝咗油啲熟麪放喺滾水度煮熟再撈返出嚟整乾佢，跟住放落個碗度，之後加啲賣凍粉用嘅料，結果出咗又香又熱辣辣嘅麪。就係噉，啲人嚟想買佢，重諗住食過返尋味。後嚟有人問佢賣嘅係咩麪，佢就話係「熱乾麪」。就係噉，佢就開始賣呢啲麪，唔單止好多人諗住嚟佢間檔買呢種麪，甚至重有好多人想向佢學點整呢種麪。

點整

熱乾麪有7種唔同嘅整法：

第1種整法

1. 將梘水麪煮或蒸到九成熟嗰陣撈佢出嚟，跟住加芝麻油溝渾佢，跟住將啲麪攤喺個砧板或個碗度，等到佢凍到差唔多為止。
2. 喺就快用嚟食得嗰陣，用漏羹將啲麪放喺滾水度整到佢熱辣辣，跟住撈返出嚟。
3. 之後淋啲整好咗嘅芝麻醬、豉油、辣嘅蘿蔔粒，重可以按個人嘅口味嚟落啲鹹菜粒、蔥花、辣椒油、味精、胡椒粉、醋、雪菜、雞湯。

第2種整法

1. 將梘水麪加羹香油，跟住溝渾佢。
2. 放落個蒸鍋度，用高火蒸佢10分鐘。
3. 蒸到OK咗啲麪就用筷子嚟整散佢，一直到佢凍咗為止。
4. 將啲榨菜、酸豆角同香蔥都刴碎嗮。
5. 最後將啲芝麻醬用蔴油，豉油，生抽同鹽嚟溝渾佢。咁住將攤凍咗啲面丼返落個鑊度，煮大概1分鐘（熟咗就得，唔冇整到太醂）。跟住撈返出啲面就放落個碗度，將溝渾咗嘅醬汁同榨菜、酸豆角同香蔥淋落個麪度，最後趁熱嚟溝渾佢就得喇。

• 提醒：如果你鍾意食辣嘅，可以將啲榨菜同酸豆角入面加啲辣椒油或辣椒醬就得。

第3種整法

1. 喺水入面加啲食用碱化開啲麪
2. 倒落去裝住麪粉嘅盆度
3. 加啲鹽用筷子溝渾
4. 搓成嚿硬啲嘅大麪團
5. 將嚿大麪團分成幾嚿細嘅麪團仔（方便躑麪機嚟躑）
6. 躑佢幾次變成嚿滑嘅麪皮為止
7. 跟住用圓麪窿嚟整嚿細嘅圓麪條出嚟
8. 將冚唪唥嘅細麪團仔，都按返第7步嚟整。
9. 煲一大煲水，等到滾咗之後，將冚唪唥躑好嗮嘅圓麪條丼嗮落去滾水度，煮到七成熟（如估即整即食嘅，就直接煮到全熟為止）。
10. 跟住整乾啲水，撈返出嚟，放到有風嗰度整返凍佢或直接過冷河。
11. 稍微凍咗啲之後，就加啲麻油落去溝渾（費事黐實嗮），跟住再攤返凍佢。
12. 等佢凍咗之後，放入面冰箱入面再雪一陣。
13. 過咗無耐之後拎返出嚟，跟住放入個鑊入面整熟佢，嗰時嚿麪已經五成熟。
14. 再稍微熝下佢就得
15. 跟住撈返啲麪出嚟再放落個碗度。之後加啲鹽、味精、豉油同醋。
16. 加啲蘿蔔碎同芝麻醬落去，最後放埋蔥花就得。

第4種整法

1. 將啲芝麻醬同香油逐啲溝渾，整成稍微有啲濃嘅醬汁，之後加生抽同鹽落去繼續溝渾，變成芝麻醬汁為止。另外，重要將蒜蓉、胡椒粉、醋同糖整成調味汁。
2. 將啲花生拍爛佢，而辣蘿蔔乾同香蔥都切成碎。
3. 喺個鑊入面加啲水，再煲滾佢，之後加啲麪繼續煲滾佢3分鐘，整到八成熟（要保持硬心）就得，控乾啲水，跟住加羹香油，之後用風機吹幹。
4. 淋啲芝麻醬汁同蒜味汁，跟住將拍爛咗嘅花生、辣蘿蔔乾同香蔥碎加落去，溝渾就得。

攷

• 教你武汉热干面的做法 贝太厨房
• 热干面 美食杰
• 武汉热干面 董元【心食谱】
• 武汉热干面 中国菜谱网