風球 (澳門)

出自維基百科,自由嘅百科全書
(由熱帶氣旋信號跳轉過來)
Jump to navigation Jump to search

風球,正式名稱叫熱帶氣旋信號,係當熱帶氣旋接近澳門嘅時候,由澳門地球物理暨氣象局懸掛嘅警告。目的係以簡單同容易理解嘅信號,提醒澳門市民同遊客熱帶氣旋可能會對當地造成影響,同埋警告澳門同附近嘅海域可能出現嘅強烈風勢。

信號意義[編輯]

澳門風球系統如下:[1]

信號名 日間信號 夜間燈號 意義 安全措施
一號風球 Aspecto do sinal nº 1 de tempestade tropical de Macau na dia.png Aspecto do sinal nº 1 de tempestade tropical de Macau em noite.png

戒備信號:熱帶氣旋中心喺澳門800公里範圍內,可能影響澳門。

  • 檢查可能會俾風吹走或者吹爛嘅嘢係咪安全,例如棚架、花盆、天線等等。細船應該留喺避風塘附近。
三號風球 Aspecto do sinal nº 3 de tempestade tropical de Macau na dia.png Aspecto do sinal nº 3 de tempestade tropical de Macau em noite.png

熱帶氣旋中心移動,可能令澳門吹強風,風速達到每小時41至62公里,陣風大約每小時110公里。

  • 所有船都應該留喺避風塘同安全嘅港口;檢查門窗係咪穩固;
  • 疏通渠道;留意電視台或者電台播出嘅熱帶氣旋消息。
  • 所有小學、幼稚園同特殊教育全日停課
八號西北風球 Aspecto do sinal nº 8 NW de tempestade tropical de Macau na dia.png Aspecto do sinal nº 8 NW de tempestade tropical de Macau em noite.png

熱帶氣旋中心逐漸行近澳門,可能令澳門吹信號指嘅方向嘅強風,風速達到每小時63至117公里,陣風大約每小時180公里。

  • 所有學校全日停課;細路仔應該留喺屋企;閂好門窗;做好一切安全措施。
  • 跨海大橋隨時會封閉,但會事前發出通告;澳氹之間嘅交通淨係可以用西灣大橋下層通道。
  • 各個電視台同電台會全日廣播。
  • 全澳門所有巴士路線會喺信號懸掛前30-50分鐘內開尾班車。
八號西南風球 Aspecto do sinal nº 8 SW de tempestade tropical de Macau na dia.png Aspecto do sinal nº 8 SW de tempestade tropical de Macau em noite.png
八號東北風球 Aspecto do sinal nº 8 NE de tempestade tropical de Macau na dia.png Aspecto do sinal nº 8 NE de tempestade tropical de Macau em noite.png
八號東南風球 Aspecto do sinal nº 8 SE de tempestade tropical de Macau na dia.png Aspecto do sinal nº 8 SE de tempestade tropical de Macau em noite.png
九號風球 Aspecto do sinal nº 9 de tempestade tropical de Macau na dia.png Aspecto do sinal nº 9 de tempestade tropical de Macau em noite.png

熱帶氣旋中心繼續行近澳門,預料佢嘅強度足以令澳門受到嚴重影響。

  • 行人同車應該儘量避免出去或者行駛;將容易俾風吹襲嘅門窗用橫閂或者比較重嘅傢俬加固。
  • 颱風會正面吹襲,注意短暫嘅平靜,一般嚟講即係話熱帶氣旋嘅中心喺澳門上空橫過。
  • 風眼經過嘅時候,風勢可能會突然平靜,維持幾分鐘至幾個鐘,
  • 然後強風突然間喺另一邊吹襲,本來受到屏蔽嘅地區會當風。
  • 留喺安全地點,唔好出街。
  • 其他同八號風球一樣
十號風球 Aspecto do sinal nº 10 de tempestade tropical de Macau na dia.png Aspecto do sinal nº 10 de tempestade tropical de Macau em noite.png

熱帶氣旋已經接近澳門,佢嘅中心會喺接近澳門嘅地方掠過,平均風速可能超過每小時118公里以上,重會吹強烈陣風。

  1. 澳門特別行政區公報. 18/2000 (用中文寫). 澳門: 澳門特別行政區政府. 2000-05-02. 第 576頁. 喺2010-08-27搵到.